വീണ്ടും ആശ്വാസം; തുടർച്ചയായ രണ്ടാം ദിവസവും സ്വർണവില താഴോട്ട്

 

സംസ്ഥാനത്ത് തുടർച്ചയായ രണ്ടാം ദിവസവും സ്വർണവില കുറഞ്ഞു. ഇന്ന് ഗ്രാമിന് 25 രൂപയും പവന് 200 രൂപയുമാണ് കുറഞ്ഞത്. ഇതോടെ ഒരു ഗ്രാം സ്വർണത്തിന് 5470 രൂപയും പവന്  43,760 രൂപയുമായി. തിങ്കളാഴ്ചയും ഒരു പവൻ സ്വർണത്തിന് 80 രൂപ കുറഞ്ഞിരുന്നു. ഞായറാഴ്ച വിലയിൽ മാറ്റമുണ്ടായിരുന്നില്ല. ഏറ്റവും ഒടുവിൽ സ്വർണവില വർധിച്ചത് മാർച്ച് 24നായിരുന്നു. അന്ന് ഒരു പവന് 160 രൂപ കൂടി പവന്റെ വില 44,000 രൂപയിലെത്തിയിരുന്നു.