കണ്ണൂര്‍ :പിഷാരികാവ് ക്ഷേത്രത്തിലെ കാളിയാട്ട ഉത്സവത്തോടനുബന്ധിച്ച്‌ നാളെ മുതല്‍ 31 വരെ ദേശീയപാതയില്‍ ഗതാഗത നിയന്ത്രണം ഏര്‍പ്പെടുത്തി.
നാളെ ഉച്ചയ്ക്ക് 1 മുതല്‍ രാത്രി 9 വരെ കണ്ണൂര്‍ ഭാഗത്തുനിന്നു വരുന്ന വാഹനങ്ങള്‍ പയ്യോളി, മേപ്പയൂര്‍, പേരാമ്ബ്ര, ഉള്ളിയേരി, അത്തോളി, പാവങ്ങാട് വഴി പോകണം. കോഴിക്കോട്ടു നിന്നു കണ്ണൂര്‍ ഭാഗത്തേക്കു പോകുന്ന വാഹനങ്ങള്‍ പാവങ്ങാടു നിന്ന് തിരിഞ്ഞ് ഇതേ വഴി പോകണം.
വടകരയില്‍ നിന്നു കൊയിലാണ്ടിയിലേക്കുള്ള ബസുകള്‍ 17-ാം മൈലില്‍ ആളെ ഇറക്കി തിരിച്ചു പോകണം.വലിയ ടാങ്കര്‍ വാഹനങ്ങള്‍ നന്തി മേഖലയില്‍ ഒഴിഞ്ഞ സ്ഥലത്തു നിര്‍ത്തിയിടണം.30 നും 31 നും ഉച്ചയ്ക്ക് 12 മുതല്‍ രാത്രി 10 വരെയായിരിക്കും നിയന്ത്രണമെന്നും കൊയിലാണ്ടി ഇന്‍സ്പെക്ടര്‍ കെ.സി.സുഭാഷ് ബാബു അറിയിച്ചു.
Post a Comment