തിരുവനന്തപുരം: സംസ്ഥാനത്ത് മഴ കനക്കുമെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. തെക്ക് പടിഞ്ഞാറന് ബംഗാള് ഉള്ക്കടലില് ശ്രീലങ്കന് തീരത്ത് തീവ്ര ന്യുനമര്ദ്ദം രൂപപ്പെട്ടതോടെയാണ് ഒറ്റപ്പെട്ട കനത്ത മഴക്ക് സാധ്യതയേറിയതെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
ശക്തമായ കാറ്റിനും ഉയര്ന്ന തിരമാലക്കും സാധ്യതയുള്ളതിനാല് മത്സ്യബന്ധന തൊഴിലാളികള് ശ്രദ്ധിക്കണമെന്നും നിര്ദ്ദേശമുണ്ട്. അതിശക്ത മഴ മുന്നറിയിപ്പിന്റെ പശ്ചാത്തലത്തില് മൂന്ന് ജില്ലകള്ക്ക് ഇന്ന് യെല്ലോ അലര്ട്ട് ഏര്പ്പെടുത്തിയിട്ടുണ്ട്.
തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലാണ് മഞ്ഞ അലര്ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്
Post a Comment