സംസ്ഥാനത്തെ റോഡുകളിലെ കുഴികളുടെ എണ്ണമെടുക്കാന് എസ് എച്ച് ഒമാര്ക്ക് നിര്ദ്ദേശം. അപകടകരമായ കുഴികളുടെ എണ്ണമെടുക്കാനാണ് നിര്ദ്ദേശം നല്കിയിരിക്കുന്നത്.
പൊലീസ് ആസ്ഥാനത്തെ നിര്ദ്ദേശമനുസരിച്ച് ജില്ലാ പൊലീസ് മേധാവിമാര് റോഡുകളിലെ കുഴികളുടെ എണ്ണമെടുക്കാന് എസ്എച്ച്ഒമാരെ ചുമതലപ്പെടുത്തി.
റോഡിലെ കുഴികളില് വീണ് യാത്രക്കാര് അപകടത്തിലാകുന്നത് പതിവായതോടെയാണ് നീക്കം. വിഷയത്തില് ഹൈക്കോടതിയടക്കം ഇടപെട്ടിരുന്നു. കഴിഞ്ഞ ദിവസമാണ് ഉത്തരവിറങ്ങിയത്. ഏത് വകുപ്പിന്റെ റോഡ് ആണെങ്കിലും കുഴികള് ഉണ്ടാകരുതെന്നാണ് പൊതുമരാമത്ത് മന്ത്രി മുഹമ്മദ് റിയാസ് പ്രതികരിച്ചത്.
കേരളം ഉണ്ടായ അന്ന് മുതല് റോഡുകളില് കുഴിയുണ്ടെന്നും പറഞ്ഞു കയ്യും കെട്ടി നോക്കി നില്ക്കാനാവില്ല. ഡിഎല്പി ബോര്ഡ് പ്രസിദ്ധപ്പെടുത്തിയതോടെ പൊതുമാരാമത്ത് റോഡുകളില് നില മെച്ചപ്പെട്ടു എന്നും മന്ത്രി പറഞ്ഞു.
Post a Comment