രാത്രി 11 മണിവരെയുള്ള സമയത്ത് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.
അതേസമയം നേരത്തെ പുറപ്പെടുവിച്ച പ്രകാരം 3 ജില്ലകളില് ഓറഞ്ച് അലര്ട്ടും 8 ജില്ലയില് യെല്ലോ ജാഗ്രതയും തുടരുകയാണ്. തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകളിലാണ് ജാഗ്രതാ നിര്ദേശം പുറപ്പെടുവിച്ചിട്ടുള്ളത്. കോഴിക്കോട്, കണ്ണൂര്, കാസര്കോട് ജില്ലകളിലാണ് ഓറഞ്ച് അലര്ട്ട്. ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, വയനാട് ജില്ലകളിലാണ് യെല്ലോ അലര്ട്ട് തുടരുന്നത്.
ഒഡീഷയ്ക്ക് മുകളിലായി രൂപപ്പെട്ട ന്യൂനമര്ദ്ദവും മഹാരാഷ്ട്രാ തീരം മുതല് കര്ണാടക തീരം വരെ നിലനില്ക്കുന്ന ന്യൂനമര്ദ്ദപാത്തിയുമാണ് കാലവര്ഷക്കാറ്റുകള് കനക്കാന് കാരണം. രൂക്ഷമായ കടലാക്രമണ സാധ്യതയുള്ളതിനാല് മത്സ്യതൊഴിലാളികള് കടലില് പോകരുതെന്ന് മുന്നറിയിപ്പ് നല്കിയിട്ടുണ്ട്.
Post a Comment