ന്യൂഡല്ഹി: ഏഴ് പ്രത്യേക അവധിദിനങ്ങള്, ശനി, ഞായര് ദിവസങ്ങളും ഉള്പ്പടെ ജൂലൈയില് ഏകദേശം അര മാസത്തേക്ക് ബാങ്കുകള് അടഞ്ഞുകിടക്കും
ഈ അവധി ദിനങ്ങളില് ബാങ്കുകളുടെ പൊതു, സ്വകാര്യ, വിദേശ, സഹകരണ, പ്രാദേശിക ശാഖകള് അടഞ്ഞുകിടക്കും. വിവിധ കാരണങ്ങളാല് അവധി അനുവദിക്കുന്ന ജൂലൈയിലെ ബാങ്ക് അവധി ദിവസങ്ങളുടെ പട്ടിക റിസര്വ് ബാങ്ക് ഓഫ് ഇന്ത്യ (ആര്ബിഐ) തയ്യാറാക്കിയിട്ടുണ്ട്.
വിവിധ തരം മാനദണ്ഡങ്ങള്ക്ക് അനുസരിച്ചാണ് ആര്ബിഐ ബാങ്കുകള്ക്ക് അവധി പ്രഖ്യാപിക്കുക. ഇതില് ബാങ്ക് അവധി ദിനങ്ങള് പ്രധാനമായും മൂന്ന് വിഭാഗങ്ങളിലായാണ് പട്ടികപ്പെടുത്താറുള്ളത്. 'നെഗോഷ്യബിള് ഇന്സ്ട്രുമെന്റ് ആക്ടിന് കീഴിലുള്ള അവധി', 'നെഗോഷ്യബിള് ഇന്സ്ട്രുമെന്റ് നിയമത്തിന് കീഴിലുള്ള അവധിയും തത്സമയ മൊത്ത സെറ്റില്മെന്റ് അവധിയും', 'ബാങ്കുകളുടെ അക്കൗണ്ടുകള് ക്ലോസിംഗ്' എന്നിവയാണിത്.
'നെഗോഷ്യബിള് ഇന്സ്ട്രുമെന്റ് ആക്ടിന് കീഴിലുള്ള അവധികളാണ് ഇതില് പ്രധാനം. ഞായറാഴ്ചകള്, കേന്ദ്ര സര്ക്കാര് പൊതു അവധിയായി ഔദ്യോഗിക ഗസറ്റില് വിജ്ഞാപനം പുറപ്പെടുവിച്ചിട്ടുള്ള ദിനങ്ങളുമാണ് ഇതില് ഉള്പ്പെടുക. ഇതുകൂടാതെ ബാങ്ക് അവധി ദിവസങ്ങള് പ്രാദേശികമായും തീരുമാനിക്കാറുണ്ട്. പ്രദേശ നിര്ദ്ദിഷ്ട സന്ദര്ഭങ്ങളിലും, സംസ്ഥാന-നിര്ദ്ദിഷ്ട ഉത്സവങ്ങളിലും ബാങ്കുകള് അവധി തീരുമാനിക്കാറുണ്ട്.
Post a Comment