കൊച്ചി: സഹകരണ ബാങ്കുകള്ക്ക് ഇന്നും നാളെയും തുറന്ന് പ്രവര്ത്തിക്കാന് നിര്ദ്ദേശം. സഹകരണ രജിസ്ട്രാറാണ് പ്രവര്ത്തന ഉത്തരവിറക്കിയത്.
ഇന്ന് ശനിയാഴ്ച്ച പൂര്ണമായും നാളെ ഞായറാഴ്ച്ച അതാത് ഭരണ സമിതി തീരുമാനപ്രകാരവും സഹകരണ ബാങ്കുകള് തുറന്ന് പ്രവര്ത്തിപ്പിക്കണമെന്നാണ് ഉത്തരവ്. തിങ്കള്, ചൊവ്വ ദേശീയ പണിമുടക്കിനെ തുടര്ന്നാണ് ശനി, ഞായര് ദിവസങ്ങളിലെ അവധി റദ്ദാക്കി ഉത്തരവിറക്കിയത്.
ഇന്നു മുതല് നാല് ദിവസം സംസ്ഥാനത്ത് മറ്റ് ബാങ്കുകള് അടഞ്ഞ് കിടക്കും. ശനിയും ഞായറും ബാങ്ക് അവധി ദിവസങ്ങളാണ്. അതിന് ശേഷമെത്തുന്ന തിങ്കളും ചൊവ്വയും ട്രേഡ് യൂണിയന് പണിമുടക്കില് ബാങ്ക് ജീവനക്കാരും പങ്കെടുക്കുന്നതിനാല് നാല് ദിവസം ബാങ്ക് സേവനങ്ങള് ലഭ്യമാവില്ല. ഓണ്ലൈന് ഇടപാടുകളെ സമരം ബാധിക്കില്ലെന്നാണ് പ്രതീക്ഷ.
നാല് ദിവസം തുടര്ച്ചയായി ബാങ്ക് അടഞ്ഞ് കിടക്കുന്നത് ബാങ്കില് നേരിട്ടെത്തേണ്ട ആവശ്യക്കാര്ക്കും ഓണ്ലൈന് ഇടപാട് പരിചയമില്ലാത്തവര്ക്കും പ്രതിസന്ധിയാവും. 30, 31 തീയ്യതികളില് പ്രവര്ത്തിച്ചതിന് ശേഷം വാര്ഷിക കണക്കെടുപ്പായതിനാല് ഏപ്രില് ഒന്നിന് വീണ്ടും അവധിയായിരിക്കും.
Post a Comment