ചെറുപുഴ : കാസര്ഗോഡ്, കണ്ണൂര് , വയനാട്, കോഴിക്കോട് ജില്ലകളിലെ മലയോര മേഖലകളെ ബന്ധിപ്പിച്ച് കൊണ്ട് കാഞ്ഞങ്ങാട് - താമരശ്ശേരി റൂട്ടില് കെഎസ്ആര്ടിസിയുടെ ടൗണ് ടു ടൗണ് സര്വ്വീസ് ആരംഭിച്ചു. രാവിലെ 6.30ന് കാഞ്ഞങ്ങാടില് നിന്ന് സര്വ്വീസ് ആരംഭിച്ച് നീലേശ്വരം, ഭീമനടി, ചിറ്റാരിക്കാൽ, ചെറുപുഴ (8.25), ആലക്കോട്, നടുവിൽ, ചെമ്പേരി,പയ്യാവൂർ (9.50), ഇരിട്ടി (10.30), പേരാവൂർ, കൊട്ടിയൂർ, മാനന്തവാടി (12.15) കല്പറ്റ, അടിവാരം വഴി താമരശ്ശേരിയില് ഉച്ചക്ക് 2.45 ന് എത്തിച്ചേരും.
തുടര്ന്ന് താമരശ്ശേരി നിന്ന് വൈകുന്നേരം 04:30ന് സര്വ്വീസ് ആരംഭിച്ച് ബാലുശ്ശേരി, കൊയിലാണ്ടി(5.30), വടകര, തലശേരി, കണ്ണൂര്(7.45), തളിപ്പറമ്പ്, പയ്യന്നൂര് വഴി രാത്രി 09.50 ന് കാഞ്ഞങ്ങാട് എത്തും.സര്വീസ് അനുവദിക്കുന്നതിന് വേണ്ടി മലയോര മേഖല പാസഞ്ചേഴ്സ് അസോസിയേഷന് കണ്വീനര് എം. വി. രാജുവും സെക്രട്ടറി മണ്ഡലം തങ്കച്ചനും രാജ്യസഭാ എം. പി. ജോണ് ബ്രിട്ടാസ് മുഖേന ഗതാഗതമന്ത്രിക്ക് നിവേദനം നല്കിയിരുന്നു.
Post a Comment