ബീച്ചിന്റെ വടക്കേ അറ്റത്തുനിന്ന് തുടങ്ങി ഒരു കിലോമീറ്റർ നീളത്തിലും 18 മീറ്റർ വീതിയിലുമുള്ള പ്ലാറ്റ്ഫോമാണ് നിർമ്മിച്ചിരിക്കുന്നത്. 25 മീറ്ററോളം ആഴത്തില് പൈലിംഗ് നടത്തി അതിനു മുകളില് സ്ലാബ് വാർത്താണ് പ്ലാറ്റ്ഫോം നിർമ്മിച്ചത്.
ഈ പ്ലാറ്റ്ഫോമില് നിന്ന് 600 മീറ്ററിനുള്ളില് ബീച്ചിലേക്കിറങ്ങാനുള്ള സൗകര്യവുമുണ്ട്. സഞ്ചാരികള്ക്കായി ഇരിപ്പിടങ്ങള്, കുട്ടികള്ക്കായുള്ള കളിസ്ഥലം, നടപ്പാത, സൈക്കിള് ലൈൻ, ഭക്ഷണശാല, സെക്യൂരിറ്റി കാബിൻ, ശൗചാലയം തുടങ്ങിയ സൗകര്യങ്ങളും ഒരുക്കിയിട്ടുണ്ട്. ഊരാളുങ്കല് ലേബർ കോ-ഓപ്പറേറ്റീവ് സൊസൈറ്റിക്കാണ് നിർമ്മാണ ചുമതല.
കുട്ടികള്ക്കായുള്ള പാർക്ക് ഏവരെയും ആകർഷിക്കുന്ന വിധത്തിലാണ് ക്രമീകരിച്ചിരിക്കുന്നത്. നിറയെ ചെടികളും പൂക്കളുമുണ്ട്. തൂവെള്ള ചെമ്ബകങ്ങള് നിറയെ പൂവിട്ടു നില്ക്കുന്നു. വർണ്ണപ്പൂക്കളാല് തീർത്ത പാർക്കില് ധാരാളം കളിസാമഗ്രികളും ഉണ്ട്. വിവിധ ഘട്ടങ്ങളിലായി 233.71 കോടി രൂപയുടെ വികസനമാണ് ഇവിടെ നടപ്പിലാക്കുന്നത്.
മുഴപ്പിലങ്ങാട്, ധർമ്മടം ബീച്ചുകളില് നാല് ഘട്ടങ്ങളിലായി 233.71 കോടി രൂപയുടെ വികസന പദ്ധതികളാണ് പൈതൃകം ടൂറിസം പദ്ധതിയുടെ ഭാഗമായി നടപ്പാക്കുന്നത്. രണ്ടാം ഘട്ട വികസനം മുഴപ്പിലങ്ങാട് ബീച്ചിന്റെ തെക്ക് ഭാഗത്തുനിന്നാണ് ആരംഭിക്കുക. ബീച്ച് വിനോദങ്ങള്ക്കുള്ള സൗകര്യങ്ങള്, റെസ്റ്റോറന്റ്, വാട്ടർ സ്പോർട്സ് എന്നിവ ഈ ഭാഗത്താണ് നിലവില് വരിക.
മൂന്നാം ഘട്ടത്തില് ധർമ്മടം ബീച്ചിനെ ബന്ധിപ്പിച്ചുള്ള ടൂറിസം സർക്യൂട്ടാണ് വിഭാവനം ചെയ്യുന്നത്. നാലാം ഘട്ടത്തില് ധർമ്മടം തുരുത്തില് വികസന പ്രവർത്തനങ്ങള് ആരംഭിക്കും. അപൂർവ്വയിനം പക്ഷികളുള്ള ഈ പ്രദേശം മികച്ച വിനോദസഞ്ചാര കേന്ദ്രമായി മാറും.
ഡ്രൈവ് ഇൻ ബീച്ചിന്റെ വികസനം പൂർണ്ണമാകുന്നതോടെ സംസ്ഥാനത്തിനകത്തും പുറത്തുനിന്നുമായി സഞ്ചാരികള് ഒഴുകിയെത്തുമെന്നാണ് വിലയിരുത്തല്. ഇതോടെ വിദേശ സഞ്ചാരികളുടെ വരവും വർദ്ധിക്കുമെന്ന കണക്കുകൂട്ടലുണ്ട്. നിലവില് മുഴപ്പിലങ്ങാട് ബീച്ചിലേക്ക് വരുന്ന വിദേശ സഞ്ചാരികളുടെ എണ്ണം കുറവാണ്.
Post a Comment