തിരുവനന്തപുരം: പരീക്ഷയ്ക്ക് ഗുരുതര പിഴവ് വരുത്തി പി എസ് സി. പരീക്ഷക്ക് ചോദ്യപേപ്പറിന് പകരം ഉത്തരസൂചികയാണ് പി എസ് സി നല്കിയത്.
ഇന്നലെ നടന്ന സര്വേ വകുപ്പിലെ വകുപ്പ് തല പരീക്ഷയിലാണ് ഗുരുതര പിഴവ് സംഭവിച്ചത്. സര്വേയര്മാര്ക്ക് സൂപ്രണ്ട് തസ്തികയിലേക്കുള്ള പ്രൊമോഷൻ പരീക്ഷയിലാണ് ചോദ്യപേപ്പറിന് പകരം നല്കിയത് ഉത്തരസൂചിക നല്കിയത്.
തിരുവനന്തപുരം, കൊച്ചി, കോഴിക്കോട് എന്നിവിടങ്ങളിലായിരുന്നു സെന്ററുകള്. 200 ലധികം പേരാണ് പരീക്ഷ എഴുതാനെത്തിയത്. അബദ്ധം മനസ്സിലായതോടെ ഉത്തരസൂചിക തിരികെ വാങ്ങുകയും പരീക്ഷ റദ്ദ് ആക്കുകയുമായിരുന്നു. ആറ് മാസം കൂടുമ്ബോഴാണ് വകുപ്പ്തല പരീക്ഷ നടത്തുന്നത്. ഇത്തവണ രണ്ട് വർഷം വൈകിയാണ് പരീക്ഷ നടത്തിയത്.
അതേസമയം ഉത്തര സൂചിക നല്കിയതില് പ്രതികരണവുമായി പി എസ് സി രംഗത്തെത്തിയിരുന്നു. ചോദ്യകര്ത്താക്കള് നല്കിയ കവര് അതേ പടി പ്രസിലേക്ക് പോയതാണ് കാരണമെന്ന് പി എസ് സി പറഞ്ഞു. ചോദ്യങ്ങളും ഉത്തരങ്ങളും അടങ്ങിയ കവറാണ് അച്ചടിക്കാൻ കൊടുത്തത്. ഇത് അതേപടി പരീക്ഷ സെന്ററുകളിലേക്ക് നല്കുകയായിരുന്നു.
Post a Comment