ചോളം, സോയ തുടങ്ങിയ അസംസ്കൃത വസ്തുക്കളുടെ ലഭ്യതക്കുറവാണ് വിലക്കയറ്റത്തിന് പ്രധാന കാരണമായി ചൂണ്ടിക്കാണിക്കുന്നത്.
കോഴിത്തീറ്റയ്ക്കൊപ്പം കോഴിക്കുഞ്ഞുങ്ങളുടെ വിലയും ഇരട്ടിയോളം വർധിച്ചതോടെ ചെറുകിട-ഇടത്തരം കോഴിവളർത്തല് കർഷകർ കടുത്ത പ്രതിസന്ധിയിലാണ്. ഉല്പാദനച്ചെലവ് ഉയരുന്നതിനാല് ഓണം സീസണില് കോഴിയിറച്ചി വിലയും വർധിക്കുമെന്ന ആശങ്ക ഉയർന്നിട്ടുണ്ട്. വിലനിയന്ത്രണത്തിനായി സർക്കാർ അടിയന്തരമായി ഇടപെടണമെന്നാണ് കർഷക സംഘടനകളുടെ ആവശ്യം.
അതേസമയം, സംസ്ഥാനത്ത് പച്ചക്കറി വിലയും ഉയരുകയാണ്. ഇഞ്ചി, വെളുത്തുള്ളി, സവാള എന്നിവയ്ക്കാണ് ഏറ്റവും കൂടുതല് വിലവർധന രേഖപ്പെടുത്തിയിരിക്കുന്നത്. ശക്തമായ മഴയെ തുടർന്ന് വിപണിയില് ഇഞ്ചിയുടെ ലഭ്യത കുറഞ്ഞതോടെ കിലോയ്ക്ക് 260 രൂപവരെയായി വില ഉയർന്നു. രണ്ടാഴ്ച മുൻപ് കിലോയ്ക്ക് ഏകദേശം 160 രൂപയായിരുന്നു വില. നിലവില് മൊത്തവിപണിയില് ഇഞ്ചിക്ക് കിലോയ്ക്ക് 230 മുതല് 300 രൂപവരെയാണ് വില.
Post a Comment