തിരുവനന്തപുരം: സംസ്ഥാനത്ത് വോട്ടെടുപ്പിന് ഇനി മൂന്ന് നാള് മാത്രം ബാക്കിനില്ക്കെ അവസാനവട്ട പ്രചാരണത്തിലേക്ക് കടന്നിരിക്കുകയാണ് മുന്നണികള്.നാളെയാണ് കലാശക്കൊട്ട്. അതേസമയം ഇടത് സർക്കാരിന്റെ പ്രോഗ്രസ് റിപ്പോർട്ട് മുഖ്യമന്ത്രി ഇന്ന് പ്രകാശനം ചെയ്യും. വൈകിട്ട് മൂന്നിന് മുഖ്യമന്ത്രിയുടെ റോഡ് ഷോ പെരളശേരിയില് നടക്കും.
ഓരോ പാർട്ടിയിലേയും കേന്ദ്ര നേതാക്കളടക്കം കേരളത്തിലെത്തി പ്രചാരണത്തില് പങ്കാളിയാവുന്നുണ്ട്. രാഹുല് ഗാന്ധിയും പ്രിയങ്കയും ഇന്ന് വടക്കൻ കേരളത്തില് പ്രചാരണം നടത്തും. കൊല്ലത്ത് രേവന്ത് റെഡ്ഡിയുടെ റോഡ് ഷോ നടക്കും. അതേസമയം കേന്ദ്രമന്ത്രി അമിത്ഷാ കേരളത്തില് തുടരുകയാണ്. ഇന്നലെ ബേപ്പൂരില് എൻഡിഎ സ്ഥാനാർഥിയുടെ ഉള്പ്പെടെ പ്രചാരണത്തില് അമിത് ഷാ പങ്കെടുത്തിരുന്നു. കേന്ദ്രമന്ത്രി ശിവ്രാജ് സിംഗ് ചൗഹാൻ ഇന്ന് പാലക്കാടെത്തും.
Post a Comment