പശ്ചിമേഷ്യയില് സംഘർഷം രൂക്ഷമാകുന്ന പശ്ചാത്തലത്തില് കന്നഡ സൂപ്പർതാരം യഷ് നായകനാകുന്ന 'ടോക്സിക്' (Toxic) സിനിമയുടെ ആഗോള റിലീസ് തീയതി മാറ്റി.
കെവിഎൻ പ്രൊഡക്ഷൻസും മോണ്സ്റ്റർ മൈൻഡ് ക്രിയേഷൻസും സംയുക്തമായാണ് ഇക്കാര്യം അറിയിച്ചത്. നേരത്തെ മാർച്ച് 19-ന് റിലീസ് ചെയ്യാനിരുന്ന ചിത്രം ജൂണ് 4-ലേക്കാണ് മാറ്റിവെച്ചത്. ചിത്രത്തിന്റെ പ്രധാന വിതരണ പങ്കാളികളിലൊന്നായ ഫാർസ് ഫിലിംസിന്റെ (Phars Film) നിർദ്ദേശപ്രകാരമാണ് ഈ തീരുമാനമെന്ന് അണിയറപ്രവർത്തകർ വ്യക്തമാക്കി.
ചിത്രത്തിന്റെ പ്രധാന വിപണികളിലൊന്നായ ഗള്ഫ് മേഖലയിലുടനീളം നിലനില്ക്കുന്ന അനിശ്ചിതാവസ്ഥ സിനിമാ പ്രദർശനത്തെയും കളക്ഷനെയും ബാധിച്ചേക്കാമെന്ന വിലയിരുത്തലിന്റെ അടിസ്ഥാനത്തിലാണ് നീക്കം. മാർച്ച് 2-ന് പുറത്തിറക്കാൻ നിശ്ചയിച്ചിരുന്ന 'തബാഹി' എന്ന ആദ്യ സിംഗിള് ഗാനത്തിന്റെ റിലീസും നിലവിലെ സാഹചര്യം കണക്കിലെടുത്ത് മാറ്റിവെച്ചിട്ടുണ്ട്. പ്രൊമോഷൻ പരിപാടികള് ഉള്പ്പെടെ താല്ക്കാലികമായി നിർത്തിവെച്ചതായാണ് വിവരം.
Post a Comment