കല്പ്പറ്റ: ഉരുള്പൊട്ടല് തകർത്ത മുണ്ടക്കൈ, ചൂരല്മല നിവാസികള്ക്കായി സംസ്ഥാന സർക്കാർ നിർമ്മിച്ച ടൗണ്ഷിപ്പിന്റെ ഒന്നാംഘട്ടം പൂർത്തിയായി.
കല്പ്പറ്റ ബൈപ്പാസ് റോഡരികില് ഒരുക്കിയ ടൗണ്ഷിപ്പിലെ 178 വീടുകളുടെ താക്കോല്ദാനവും ഗുണഭോക്താക്കള്ക്കുള്ള പട്ടയ വിതരണവും മുഖ്യമന്ത്രി പിണറായി വിജയൻ നിർവ്വഹിച്ചു.
അതി വൈകാരികമായ കാഴ്ചകള്ക്കാണ് കല്പ്പറ്റയിലെ ബൈപ്പാസ് റോഡിലെ ടൗണ്ഷിപ്പ് സാക്ഷ്യം വഹിച്ചത്. വെറുതെ കല്ലുമാത്രം ഇട്ടുപോകുന്നവരല്ല തങ്ങളെന്നും, അത് വീടാവുമെന്നും അര്ഹതപ്പെട്ടവരുടെ കയ്യില് വീടെത്തുമെന്നും റവന്യൂ വകുപ്പ് മന്ത്രി കെ രാജന് ചടങ്ങിന്റെ അധ്യക്ഷത വഹിച്ചുകൊണ്ട് പറഞ്ഞു.
'വീട് ഏറ്റുവാങ്ങുന്നവരെ കണാനായി പോയപ്പോള് ശരിക്കും കൈവിട്ടുപോയ അവസ്ഥയായിരുന്നു, ആ വലിയ ദുരന്തത്തിന്റെ ഓര്മകളിലേക്ക് പോയി. ഒരുകാര്യം ഞാന് ഉറപ്പിച്ചു പറയാം, ഞങ്ങള് കല്ലുമാത്രം ഇട്ട് പോകുന്നവരല്ല. കല്ലിട്ടാല് അതിനു മീതെ വീടുവയ്ക്കും. കൊടുക്കാന് തീരുമാനിച്ച മനുഷ്യന്റെ കയ്യില് ആ വീടെത്തും', അദ്ദേഹം കൂട്ടിച്ചേര്ത്തു.
Post a Comment