പ്രത്യേകിച്ച് 50 വയസ്സിന് താഴെയുള്ള സ്ത്രീകളിലാണ് ഈ പ്രവണത കൂടുതലായി കണ്ടുവരുന്നത്. ഉയർന്ന ബോഡി മാസ് ഇൻഡക്സ് (BMI) ഉള്ളവരില് തലവേദനയുടെ ആവൃത്തിയും തീവ്രതയും വർദ്ധിക്കുന്നതായി ഗവേഷകർ നിരീക്ഷിക്കുന്നു.
ഏകദേശം രണ്ട് ലക്ഷത്തിലധികം സ്ത്രീകളില് നടത്തിയ ഡാറ്റാ വിശകലനമനുസരിച്ച്, ആരോഗ്യകരമായ ഭാരമുള്ളവരേക്കാള് 80 ശതമാനം അധികം തലവേദന സാധ്യത പൊണ്ണത്തടിയുള്ളവരിലുണ്ട്. ശരീരത്തിലെ അമിതമായ കൊഴുപ്പ് കോശങ്ങള് (Adipose tissue) വെറുമൊരു കൊഴുപ്പ് ശേഖരമല്ല, മറിച്ച് ഒരു ഗ്രന്ഥി പോലെ പ്രവർത്തിച്ച് 'കാല്സിറ്റോണിൻ ജീൻ-ബന്ധിത പെപ്റ്റൈഡ്' (CGRP) പോലുള്ള രാസവസ്തുക്കള് ഉത്പാദിപ്പിക്കുന്നു എന്നതാണ് ഇതിന് പിന്നിലെ ശാസ്ത്രീയ വശം.
ഈ രാസവസ്തുക്കള് നാഡീവ്യവസ്ഥയില് വീക്കം (Inflammation) ഉണ്ടാക്കുകയും തലച്ചോറിനെ മൈഗ്രെയ്ൻ ആക്രമണങ്ങളോട് കൂടുതല് സംവേദനക്ഷമമാക്കുകയും ചെയ്യുന്നു.ചില സന്ദർഭങ്ങളില് ഇത്തരം തലവേദനകള് കാഴ്ചയെപ്പോലും ബാധിക്കുന്ന തരത്തില് ഗുരുതരമായേക്കാമെന്ന് ഗോവ മണിപ്പാല് ആശുപത്രിയിലെ ന്യൂറോളജിസ്റ്റ് ഡോ. അമൃത് എസ്.ഡി ചൂണ്ടിക്കാട്ടുന്നു.
Post a Comment