ഡല്ഹി: യൂണിയന് പബ്ലിക് സര്വീസ് കമ്മീഷന്2025 ലെ സിവില് സര്വീസ് പരീക്ഷാഫലം പ്രഖ്യാപിച്ചു.
അനുജ് അഗ്നിഹോത്രിക്കാണ് ഒന്നാം റാങ്ക്. രാജേശ്വരി സുവേ രണ്ടാം റാങ്കും അഖൻഷ് ദള്ള് മൂന്നാം റാങ്കും നേടി. മലയാളിയായ എസ് ശ്രുതി 18ാം റാങ്കും ശ്രീജ ജെ എസ് 57ാം റാങ്കും ഗോപിക ബി 105ാം റാങ്കും നേടി.അനുജ് അഗ്നിഹോത്രിക്കാണ് ഒന്നാം റാങ്ക്. രാജേശ്വരി സുവേ രണ്ടാം റാങ്കും അഖൻഷ് ദള്ള് മൂന്നാം റാങ്കും നേടി. മലയാളിയായ എസ് ശ്രുതി 18ാം റാങ്കും ശ്രീജ ജെ എസ് 57ാം റാങ്കും ഗോപിക ബി 105ാം റാങ്കും നേടി.
അജയ് ആര് രാജ് 109ാം റാങ്കും ശ്രീലക്ഷ്മി വി സി 133ാം റാങ്കും സിദ്ധാര്ത്ഥ എം ജോയി 271ാം റാങ്കും നേടി. കേരളത്തില് നിന്ന് നിരവധി പേർക്ക് പരീക്ഷയില് യോഗ്യത നേടാൻ കഴിഞ്ഞു. ആകെ 958 പേർ സിവില് സർവീസ് പരീക്ഷയില് യോഗ്യത നേടി.
പ്രിലിമിനറി, മെയിൻ, പേഴ്സണാലിറ്റി ടെസ്റ്റ് എന്നീ മൂന്ന് ഘട്ടങ്ങള്ക്കും ശേഷം രാജ്യമെമ്പാടുമുള്ള ഉദ്യോഗാർത്ഥികള് അന്തിമ റാങ്ക് ലിസ്റ്റിനായി കാത്തിരിപ്പിലായിരുന്നു. കമ്മീഷന്റെ ഔദ്യോഗിക വെബ്സൈറ്റുകളായ upsc.gov.in, upsconline.nic.in എന്നിവയില് ഫലം പരിശോധിക്കാൻ കഴിയും.
2025 മെയ് 25 ന് നടന്ന പ്രിലിമിനറി പരീക്ഷയോടെയാണ് പരീക്ഷാ പ്രക്രിയ ആരംഭിച്ചത്. ഓഗസ്റ്റ് 22 മുതല് ഓഗസ്റ്റ് 31 വരെ മെയിൻ പരീക്ഷ നടന്നു. അവസാന ഘട്ടമായ പേഴ്സണാലിറ്റി ടെസ്റ്റ് അഥവാ അഭിമുഖം ഈ വർഷം ഫെബ്രുവരി 27 ന് അവസാനിച്ചു. അഭിമുഖം അവസാനിച്ച് ഏകദേശം ഒരാഴ്ചയ്ക്കുള്ളില് യു പി എസ് സി അന്തിമ ഫലം പ്രഖ്യാപിക്കാറുണ്ട്. പതിവു തെറ്റിക്കാതെ ഇത്തവണയും ഒരാഴ്ചയ്ക്കുള്ളില് പരീക്ഷാഫലം പ്രഖ്യാപിച്ചു.
Post a Comment