സാമർട്ട്ഫോണ് ഉപഭോക്താക്കള്ക്ക് തിരിച്ചടിയായി രാജ്യത്ത് മൊബൈല് റീചാർജ് നിരക്കുകള് വീണ്ടും വർദ്ധിക്കാനൊരുങ്ങുന്നു.2027 സാമ്പത്തിക വർഷത്തോടെ ടെലികോം കമ്പനികള് തങ്ങളുടെ നിരക്കുകളില് 13 മുതല് 15 ശതമാനം വരെ വർദ്ധനവ് വരുത്തിയേക്കാമെന്ന് എച്ച്എസ്ബിസി പുറത്തുവിട്ട ഏറ്റവും പുതിയ റിപ്പോർട്ട് വ്യക്തമാക്കുന്നു. റിലയൻസ് ജിയോ, ഭാരതി എയർടെല്, വോഡഫോണ് ഐഡിയ തുടങ്ങിയ പ്രമുഖ കമ്പനികള് തങ്ങളുടെ പ്രതിശീർഷ വരുമാനം വർദ്ധിപ്പിക്കുന്നതിന്റെ ഭാഗമായാണ് ഈ നീക്കം നടത്തുന്നത്.
നിരക്ക് വർദ്ധനവിന് പിന്നിലെ കാരണങ്ങള്
കൂടിയ ഡാറ്റാ ഉപയോഗം
ഇന്ത്യയില് ഡാറ്റാ ഉപഭോഗം കുത്തനെ വർദ്ധിച്ചുകൊണ്ടിരിക്കുകയാണ്. 4ജി, 5ജി സേവനങ്ങളുടെ വ്യാപനത്തോടെ ആളുകള് കൂടുതല് ഉയർന്ന പ്ലാനുകളിലേക്ക് മാറുന്നു. ഈ വർദ്ധിച്ച ഉപയോഗത്തെ വരുമാനമാക്കി മാറ്റാനാണ് ടെലികോം കമ്പനികള് ലക്ഷ്യമിടുന്നത്. ഇതിനായി വർഷത്തിന്റെ രണ്ടാം പാദത്തില് നിരക്കുകള് 15 ശതമാനം വരെ വർദ്ധിപ്പിക്കാൻ സാധ്യതയുണ്ടെന്ന് എച്ച്എസ്ബിസി വിലയിരുത്തുന്നു.
പ്രതിശീർഷ വരുമാനം വർദ്ധിപ്പിക്കുക
ടെലികോം കമ്പനികളുടെ സാമ്പത്തിക അടിത്തറ ശക്തമാക്കുന്നതിന് ഓരോ ഉപഭോക്താവില് നിന്നും ലഭിക്കുന്ന ശരാശരി വരുമാനം വർദ്ധിപ്പിക്കേണ്ടതുണ്ട്. നിലവില് കമ്പനികള് തമ്മിലുള്ള മത്സരം ഉപഭോക്താക്കളുടെ എണ്ണം കൂട്ടുന്നതിനേക്കാള്, നിലവിലുള്ള ഉപഭോക്താക്കളില് നിന്ന് കൂടുതല് വരുമാനം കണ്ടെത്തുന്നതിലേക്കാണ് മാറിയിരിക്കുന്നത്. എയർടെല്, ജിയോ തുടങ്ങിയ കമ്പനികള് ഹോം ബ്രോഡ്ബാൻഡ് സേവനങ്ങളിലൂടെയും ഈ ലക്ഷ്യം കൈവരിക്കാൻ ശ്രമിക്കുന്നുണ്ട്.
Post a Comment