തിരുവനന്തപുരം: തദ്ദേശ തെരഞ്ഞെടുപ്പില് തോറ്റതിന് ആത്മഹത്യക്ക് ശ്രമിച്ച യുഡിഎഫ് സ്ഥാനാർത്ഥി മരിച്ചു.ചെറിയകോണി സ്വദേശി വിജയകുമാരൻ നായർ (59) ആണ് മരിച്ചത്.
തെരഞ്ഞെടുപ്പില് അരുവിക്കര ഗ്രാമപഞ്ചായത്തിലെ മണമ്ബൂർ വാർഡില് യുഡിഎഫ് സ്ഥാനാർത്ഥിയായാണ് വിജയകുമാരൻ നായർ മത്സരിച്ചത്. തെരഞ്ഞെടുപ്പ് ഫലം വന്ന ശനിയാഴ്ച ഉച്ചയോടെ മരത്തില് തൂങ്ങിമരിക്കാൻ ശ്രമിച്ചിരുന്നു.
ഇത് മകൻ കണ്ടതോടെ ഉടൻ തന്നെ ആശുപത്രിയില് എത്തിക്കുകയായിരുന്നു. മണമ്ബൂരില് വിജയിച്ചത് ബിജെപി സ്ഥാനാർത്ഥിയാണ്. വിജയകുമാരൻ നായർ മൂന്നാം സ്ഥാനത്തേക്ക് തള്ളപ്പെട്ടു.
തെരഞ്ഞെടുപ്പില് തോറ്റതില് മനോവിഷമം ഉണ്ടായിരുന്നതായി ബന്ധുക്കള് അറിയിച്ചു. സ്വകാര്യ ആശുപത്രിയില് ചികിത്സയിലിരിക്കെ ഇന്ന് പുലർച്ചെയാണ് മരിച്ചത്.
Post a Comment