കണ്ണൂർ: ധർമടം മുൻ എംഎല്എയും സിപിഎം നേതാവുമായ കെ.കെ. നാരായണൻ (77) അന്തരിച്ചു. പെരളശേരിയിലെ പരിപാടിയില് പങ്കെടുക്കുന്നതിനിടെ ദേഹാസ്വസ്ഥ്യത്തെ തുടർന്ന് കുഴഞ്ഞുവീഴുകയായിരുന്നു.
ഉടൻതന്നെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
2011 മുതല് 2016വരെയാണ് ധര്മടം എംഎല്എയായി പ്രവര്ത്തിച്ചത്. തുടർന്ന് 2016ല് പിണറായി വിജയന് വേണ്ടി മണ്ഡലം ഒഴിയുകയായിരുന്നു. കണ്ണൂര് ജില്ലാ പഞ്ചായത്ത് പ്രസിഡന്റായും കണ്ണൂര് ജില്ലാ സഹകരണ ബാങ്കിന്റെ പ്രസിഡന്റായും പ്രവര്ത്തിച്ചിട്ടുണ്ട്.
29 വർഷം സിപിഎം കണ്ണൂർ ജില്ലാ സെക്രട്ടറിയേറ്റ് അംഗമായ കെ.കെ. നാരായണൻ നിലവില് ജില്ലാ കമ്മിറ്റി അംഗമാണ്. എകെജി ആശുപത്രിയുടെ പ്രസിഡന്റ് ചുമതലയും ഇദ്ദേഹം വഹിച്ചിട്ടുണ്ട്.
Post a Comment