ഉളിയില് ആവിലാട്ടെ സ്വദേശിയായ പി കെ സുരേന്ദ്രൻ (55) ആണ് മരിച്ചത്. നവംബർ 23-ന് നടക്കേണ്ട വിവാഹത്തിനായി ഇല്ലംമൂലയിലെ വി റഫീക്കിൻ്റെ വീട്ടില് കഴിഞ്ഞ മൂന്ന് ദിവസമായി പന്തല് നിർമ്മാണം നടന്നുവരികയായിരുന്നു.
വ്യാഴാഴ്ച ഉച്ചയ്ക്ക് ഏകദേശം ഒന്നരയോടെയാണ് പന്തല് കെട്ടുന്നതിനിടയില് അപകടം സംഭവിച്ചത്. പ്രധാന ലൈനില് തട്ടിയാണ് സുരേന്ദ്രന് ഷോക്കേറ്റത്. ഉടൻതന്നെ ഇദ്ദേഹത്തെ മട്ടന്നൂരിലെ സ്വകാര്യാശുപത്രിയില് എത്തിച്ചുവെങ്കിലും മരണം സംഭവിക്കുകയായിരുന്നു.
സുരേന്ദ്രൻ്റെ ഭാര്യ ആറളം സ്വദേശിനി സുമ ആണ്. വിദ്യാർഥികളായ സായൂജ്, സയന എന്നിവരാണ് മക്കള്. പരേതനായ വാസു, യശോദ, അനന്തൻ, ഉഷ എന്നിവരാണ് സഹോദരങ്ങള്. പി കെ സുരേന്ദ്രൻ്റെ സംസ്കാരം വെള്ളിയാഴ്ച പകല് ഉച്ചയ്ക്ക് ഒന്നിന് ചാവശേരിപ്പറമ്ബില് നടക്കും.
Post a Comment