കാസർഗോഡ്: മകള്‍ക്ക് നേരെ ആസിഡ് ആക്രമണം നടത്തിയ പിതാവിനെ പോലീസ് തെരയുന്നു. കാഞ്ഞങ്ങാട് കരിക്കയില്‍ നടന്ന സംഭവത്തില്‍ രണ്ടുപേർക്ക് പരിക്കേറ്റു.
ആക്രമണത്തില്‍ ഗുരുതരമായി പൊള്ളലേറ്റ 17 വയസുള്ള പ്രതിയുടെ മകളും ഇയാളുടെ സഹോദരന്‍റെ പത്തു വയസുള്ള കുട്ടിയും ആശുപത്രിയില്‍ ചികിത്സതേടി.
ഭാര്യയുമായി പിണങ്ങി കഴിയുകയായിരുന്ന പ്രതി മകളും ഭാര്യയും സഹോദരന്‍റെ വീട്ടില്‍ താമസിക്കുന്നതറിഞ്ഞ് അവിടെയെത്തിയാണ് ആക്രമണം നടത്തിയത്. ആക്രമണത്തില്‍ പ്രതിയുടെ മകളുടെ കൈക്കും സഹോദരന്‍റെ മകളുടെ മുഖത്തുമാണ് പരിക്കേറ്റത്.
കർണാടക സ്വദേശിയായ പ്രതിക്കായി പോലീസ് അന്വേഷണം ഊർജിതമാക്കി. കുടുംബ പ്രശ്നങ്ങളാണ് ആക്രമണത്തിന് പിന്നിലെന്ന് പോലീസ് പറഞ്ഞു.
Post a Comment