അമരാവതി: ആന്ധ്രാപ്രദേശില് അബദ്ധത്തില് തിളച്ചപാലുള്ള പാത്രത്തില് വീണ് ഒന്നരവയസുള്ള കുഞ്ഞിന് ദാരുണാന്ത്യം.അനന്തപൂർ ജില്ലയിലെ ബുക്കരായസമുദ്രം മണ്ഡലത്തിലെ കൊരപ്പാടിനടുത്തുള്ള അംബേദ്കർ ഗുരുകുല് സ്കൂളിലാണ് സംഭവം.
സ്കൂളിലെ ജീവനക്കാരിയായ കൃഷ്ണവേണിയുടെ മകള് അക്ഷിത ആണ് മരിച്ചത്. സംഭവദിവസം മകളെയും കൂട്ടിയാണ് കൃഷ്ണവേണി സ്കൂളില് ജോലിക്ക് എത്തിയത്.അബദ്ധത്തില് പാത്രത്തില് വീണ കുട്ടി വേദനകൊണ്ട് പുളഞ്ഞു. പാത്രത്തില് നിന്നും പുറത്തുകടക്കുവാൻ കുട്ടി ശ്രമിച്ചുവെങ്കിലും സാധിച്ചില്ല.
കരച്ചില് കേട്ടെത്തിയ കൃഷ്ണവേണി കുഞ്ഞിനെ ഉടൻതന്നെ പുറത്തെടുത്ത് ആശുപത്രിയിലെത്തിച്ചുവെങ്കിലും പൊള്ളല് ഗുരുതരമായതിനാല് കുഞ്ഞ് മരിക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.
Post a Comment