സംസ്ഥാന സർക്കാർ സമയബന്ധിതമായി വിപണിയില് നടത്തിയ ഇടപെടലുകളാണ് വിലക്കയറ്റം നിയന്ത്രിക്കാനും അവശ്യസാധനങ്ങള് സുലഭമായി ലഭ്യമാക്കാനും സഹായിച്ചതെന്ന് ഭക്ഷ്യ, പൊതുവിതരണ വകുപ്പ് മന്ത്രി ജി.ആർ. അനില് പറഞ്ഞു. ഒരു ഉപഭോക്തൃ സംസ്ഥാനമായ കേരളത്തില് ഉത്സവകാലങ്ങളില് സാധാരണയായി ഭക്ഷ്യവസ്തുക്കള്ക്ക് വില കൂടാൻ സാധ്യതയുണ്ട്. എന്നാല് ഈ സാഹചര്യം മുൻകൂട്ടി കണ്ട് സപ്ലൈകോയും പൊതുവിതരണ വകുപ്പും വിപണിയില് ഫലപ്രദമായി ഇടപെട്ടത് ജനങ്ങള്ക്ക് വലിയ ആശ്വാസമായി.
സാധാരണയായി റേഷൻ കാർഡിന് 8 കിലോഗ്രാം അരിയാണ് സബ്സിഡി നിരക്കില് സപ്ലൈകോ വഴി ലഭിച്ചിരുന്നത്. ഓണത്തോടനുബന്ധിച്ച് ഇതിനു പുറമേ 25 രൂപ നിരക്കില് 20 കിലോഗ്രാം പച്ചരിയോ പുഴുക്കലരിയോ പ്രത്യേകമായി നല്കി. ഈ മാസം മാത്രം 92.8 ലക്ഷം കിലോഗ്രാം അരിയാണ് ഇങ്ങനെ വിറ്റഴിച്ചത്. പ്രമുഖ റീട്ടെയില് ശൃംഖലകളോട് മത്സരിക്കാൻ കഴിയുന്ന തരത്തില് ഇത്തവണ ബ്രാൻഡഡ് എഫ്.എം.സി.ജി. (FMCG) ഉല്പ്പന്നങ്ങളുടെ വലിയ ശേഖരം സപ്ലൈകോ ഒരുക്കിയിരുന്നു. 250-ല് അധികം ബ്രാൻഡഡ് ഉല്പ്പന്നങ്ങള്ക്ക് പ്രത്യേക വിലക്കുറവും ഓഫറുകളും ഓണത്തിന് നല്കി. സപ്ലൈകോ പുറത്തിറക്കിയ 'ഓണം ഗിഫ്റ്റ്' പദ്ധതിക്കും മികച്ച പ്രതികരണമാണ് ലഭിച്ചതെന്ന് മന്ത്രി അറിയിച്ചു.
Post a Comment