രാജ്യത്ത് വാർഷിക ടോള്‍ പാസ് പദ്ധതി ഓഗസ്റ്റ് 15 മുതല്‍ ആരംഭിക്കാൻ പോകുകയാണ്. ഈ പാസ് വാങ്ങുന്ന വാഹന ഉടമകള്‍ക്ക്, ഒരു വർഷത്തേക്ക് ടോളില്‍ വലിയ തുക നല്‍കേണ്ടി വരില്ല.
പുതിയ വാർഷിക ഫാസ്‍ടാഗിലൂടെ വെറും 15 രൂപയ്ക്ക് ടോള്‍ പ്ലാസകള്‍ കടക്കാൻ കഴിയുമെന്ന് അടുത്തിടെ റോഡ് ഗതാഗത, ഹൈവേ മന്ത്രി നിതിൻ ഗഡ്കരി ഈ പാസിനെക്കുറിച്ച്‌ പറഞ്ഞിരുന്നു. ഈ പാസിന്റെ വില 3000 രൂപയാണ്. അതില്‍ 200 യാത്രകള്‍ ഉള്‍പ്പെടുന്നു. ഒരു യാത്ര എന്നാല്‍ ടോള്‍ പ്ലാസ ഒരിക്കല്‍ കടക്കുക എന്നാണ്. അതായത് ഒരു ടോളിന് 15 രൂപ മാത്രമേ ചെലവാകൂ. ഇതാ വാർഷിക ടോള്‍ പാസിനെക്കുറിച്ച്‌ അറിയേണ്ടതെല്ലാം.
ഫാസ്റ്റ്ടാഗ് വാർഷിക പാസ് എന്താണ്?
വാർഷിക ടോള്‍ പാസ് ഒരുതരം പ്രീപെയ്ഡ് ടോള്‍ സ്‍കീമാണ്. ഇത് കാറുകള്‍, ജീപ്പുകള്‍, വാനുകള്‍ തുടങ്ങിയ വാണിജ്യേതര സ്വകാര്യ വാഹനങ്ങള്‍ക്കായി പ്രത്യേകം രൂപകല്‍പ്പന ചെയ്തിട്ടുള്ളതാണ്. പുതിയ പാസ് പ്രഖ്യാപിക്കുമ്ബോള്‍, 60 കിലോമീറ്റർ ചുറ്റളവില്‍ സ്ഥിതി ചെയ്യുന്ന ടോള്‍ പ്ലാസകളുമായി ബന്ധപ്പെട്ട ദീർഘകാല ആശങ്കകള്‍ പരിഹരിക്കാനും താങ്ങാനാവുന്ന വിലയിലുള്ള ഒറ്റ ഇടപാടിലൂടെ ടോള്‍ പേയ്‌മെന്റുകള്‍ ലളിതമാക്കാനുമാണ് ലക്ഷ്യമിടുന്നതെന്ന് നിതിൻ ഗഡ്കരി പറഞ്ഞിരുന്നു. ടോള്‍ പ്ലാസകളിലെ കാത്തിരിപ്പ് സമയം കുറയ്ക്കുന്നതിലൂടെയും തിരക്ക് കുറയ്ക്കുന്നതിലൂടെയും തർക്കങ്ങള്‍ കുറയ്ക്കുന്നതിലൂടെയും ദശലക്ഷക്കണക്കിന് സ്വകാര്യ വാഹന ഉടമകള്‍ക്ക് വേഗതയേറിയതും എളുപ്പവുമായ യാത്രാ അനുഭവം നല്‍കാനാണ് വാർഷിക പാസ് ലക്ഷ്യമിടുന്നത്.
Post a Comment