സാധാരണ കെഎസ്ആർടിസി ബസുകളില് നിന്ന് വ്യത്യസ്തമായി, ഗ്ലാസ് പാർട്ടീഷനോട് കൂടിയ ജെ എൻ 363 എ.സി. ലോ ഫ്ലോർ ബസാണ് (KL 15 A 407) വി.എസിന്റെ അന്ത്യയാത്രയ്ക്കായി തിരഞ്ഞെടുത്തത്.
വി.എസിന്റെ ചിത്രങ്ങള് പതിച്ച് പുഷ്പങ്ങളാല് മനോഹരമായി അലങ്കരിച്ചാണ് വാഹനം ഒരുക്കിയിട്ടുള്ളത്. ബസിലെ കുറച്ച് സീറ്റുകള് മാറ്റി, ചുവന്ന പരവതാനി വിരിച്ചിട്ടുണ്ട്. കൂടാതെ, ജനറേറ്റർ, ഫ്രീസർ തുടങ്ങിയ അത്യാധുനിക സൗകര്യങ്ങളും ഈ ബസിലുണ്ട്.ആലപ്പുഴയിലേക്കുള്ള ഈ വിലാപയാത്രയില് കെഎസ്ആർടിസി ബസിന്റെ സാരഥികളായി തിരുവനന്തപുരം സെൻട്രല് ഡിപ്പോയിലെ ടി.പി. പ്രദീപും, വികാസ് ഭവൻ ഡിപ്പോയിലെ കെ. ശിവകുമാറും സേവനമനുഷ്ഠിക്കും.
പ്രധാന ബസിനെ അനുഗമിക്കുന്ന രണ്ടാമത്തെ ബസിന്റെ ഡ്രൈവർമാർ സിറ്റി ഡിപ്പോയിലെ എച്ച്. നവാസും, പേരൂർക്കട ഡിപ്പോയിലെ വി. ശ്രീജേഷുമാണ്.
Post a Comment