തിരുവനന്തപുരം: സംസ്ഥാനത്തെ അങ്കണവാടികളിലെ ഭക്ഷണ മെനു പരിഷ്കരിച്ചു. മുട്ട ബിരിയാണി, പുലാവ് അടക്കമുള്ളവ ഉള്പ്പെടുത്തിയാണ് പരിഷ്കരണം.
രണ്ട് ദിവസം വീതം നല്കിയിരുന്ന പാലും മുട്ടയും മൂന്ന് ദിവസം നല്കും. പത്തനംതിട്ടയില് നടന്ന അങ്കണവാടി പ്രവേശനോത്സവത്തിന് ആരോഗ്യ, വനിതാ-ശിശു വികസന വകുപ്പ് മന്ത്രി വീണാ ജോര്ജാണ് പ്രഖ്യാപനം നടത്തിയത്. ചടങ്ങില് മാതൃകാ ഭക്ഷണ മെനു മന്ത്രി പ്രകാശനം ചെയ്യുകയും ചെയ്തു.പഞ്ചസാരയുടേയും ഉപ്പിന്റേയും അളവ് കുറച്ച് കുട്ടികളുടെ ആരോഗ്യം ഉറപ്പാക്കി പോഷക മാനദണ്ഡപ്രകാരം വളര്ച്ചയ്ക്ക് സഹായകമായ ഊര്ജവും പ്രോട്ടീനും ഉള്പ്പെടുത്തിയാണ് ഭക്ഷണ മെനു പരിഷ്കരിച്ചിരിക്കുന്നത്. അങ്കണവാടി കുട്ടികള്ക്കുള്ള പ്രഭാത ഭക്ഷണം, ഉച്ചഭക്ഷണം, ജനറല് ഫീഡിങ് തുടങ്ങിയ അനുപൂരക പോഷകാഹാരമാണ് പരിഷ്കരിച്ചത്. ഇത് ആദ്യമായാണ് ഏകീകൃത ഭക്ഷണ മെനു നടപ്പിലാക്കുന്നത്.
പരിഷ്കരിച്ച മെനു അനുസരിച്ച് ഓരോ ദിവസവും വൈവിധ്യമായ ഭക്ഷണമാണ് നല്കുക. തിങ്കളാഴ്ച ബ്രേക്ക്ഫാസ്റ്റായി പാല്, പിടി, കൊഴുക്കട്ട/ഇലയട എന്നിവ നല്കും. ഉച്ചയ്ക്ക് ചോറ്, ചെറുപയര് കറി, ഇലക്കറി, തോരന് എന്നിവയായിരിക്കും. പൊതുഭക്ഷണമായി നല്കുക ധാന്യം, പരിപ്പ് പായസം എന്നിവയായിരിക്കും. ചൊവ്വാഴ്ച രാവിലെ നല്കുക ന്യൂടി ലഡു. ഉച്ചയ്ക്ക് മുട്ട ബിരിയാണി/ മുട്ട പുലാവ്, ഫ്രൂട്ട് കപ്പ് എന്നിവയായിരിക്കും. പൊതുഭക്ഷണമായി റാഗി അടയായിരിക്കും നല്കുക. ബുധനാഴ്ച ബ്രേക്ക് ഫാസ്റ്റായി നല്കുക പാല്, പിടി, കൊഴുക്കട്ട/ ഇലയട, കടല മിഠായി എന്നിവ. ഉച്ചയ്ക്ക് പയര് കഞ്ഞി, വെജ് കിഴങ്ങ് കൂട്ടുകറി, സോയ ഡ്രൈ ഫ്രൈ. പൊതുഭക്ഷണമായി നല്കുക ഇഡ്ലി, സാമ്ബാര്, പുട്ട്, ഗ്രീന്പീസ് കറി. വ്യാഴം- ബ്രേക്ക് ഫാസ്റ്റ്: റാഗി, അരി അട/ ഇലയപ്പം, ഉച്ച ഭക്ഷണം: ചോറ്, മുളപ്പിച്ച ചെറുപയര്, ചീരത്തോരന്, സാമ്ബാര്, ഓംലെറ്റ്, പൊതുഭക്ഷണം: അവല്, ശര്ക്കര, പഴം മിക്സ്. വെള്ളിയാഴ്ച- ബ്രേക്ക്ഫാസ്റ്റ്: പാല്, കൊഴുക്കട്ട, ഉച്ചഭക്ഷണം: ചോറ്, ചെറുപയര് കറി, അവിയല്, ഇലക്കറി, തോരന്, പൊതുഭക്ഷണം: ഗോതമ്ബ് നുറുക്ക് പുലാവ്. ശനിയാഴ്ച ബ്രേക്ക്ഫാസ്റ്റ്- ന്യൂട്രി ലഡു, ഉച്ചയ്ക്ക്: വെജിറ്റബിള് പുലാവ്, മുട്ട, റൈത്ത, പൊതുഭക്ഷണം-ധാന്യ പായസം.
Post a Comment