ലഹരിക്കേസില് തമിഴ് സിനിമാ നടൻ ശ്രീകാന്ത് അറസ്റ്റില്. വൈദ്യ പരിശോധന ഫലം വന്നതിന് പിന്നാലെയാണ് അറസ്റ്റ് രേഖപ്പെടുത്തിയിരിക്കുന്നത്.ശ്രീകാന്തിന്റെ രക്തത്തില് കൊക്കെയിന്റെ സാന്നിധ്യം കണ്ടെത്തിയതിനെ തുടര്ന്നാണ് അറസ്റ്റ് രേഖപ്പെടുത്തിയത്. ലഹരിമരുന്ന് കേസില് അറസ്റ്റിലായ പ്രതിയുടെ മൊഴിയെ തുടര്ന്നാണ് ശ്രീകാന്തിനെ ആദ്യം കസ്റ്റഡിയിലെടുത്തത്. ചെന്നൈ നുംഗമ്ബാക്കം പൊലീസ് സ്റ്റേഷനിലാണ് താരത്തിന്റെ അറസ്റ്റ് രേഖപ്പെടുത്തിയിരിക്കുന്നത്.
അതേസമയം തമിഴിലും തെലുങ്കിലും നിരവധി ശ്രദ്ധേയമായ സിനിമകളില് അഭിനയിച്ചിട്ടുണ്ട് താരം. റോജാക്കൂട്ടം എന്ന സിനിമയില് നായകനായാണ് താരം വെള്ളിത്തിരയില് അരങ്ങേറ്റം കുറിച്ചത്. ചിത്രം വലിയ ഹിറ്റായിരുന്നു. തുടര്ന്ന് ഏപ്രില് മാദത്തില്, പാര്ഥിപൻ കനവ് തുടങ്ങിയ വിജയ ചിത്രങ്ങളിലും നായകനായി. വിജയ് നായകനായ നൻപനിലും ശ്രദ്ധേയമായ കഥാപാത്രത്തെ അവതരിപ്പിച്ചിട്ടുണ്ട് ശ്രീകാന്ത്. കൊഞ്ചം കാതല് കൊഞ്ചം മോദല് ആണ് അവസാനമായി വേഷമിട്ട സിനിമ.
Post a Comment