തിരുവനന്തപുരം: പൊതുവിഭാഗം റേഷൻ കാർഡുകള് (വെള്ള, നീല) പി.എച്ച്.എച്ച് വിഭാഗത്തിലേക്ക് (പിങ്ക് കാർഡ്) തരം മാറ്റുന്നതിന് ജൂണ് 15 വരെ അപേക്ഷ സമർപ്പിക്കാം.
ഓണ്ലൈനായാണ് അപേക്ഷ നല്കുന്നത്. അർഹരായ കാർഡുടമകള് ബന്ധപ്പെട്ട രേഖകള് സഹിതം അംഗീകൃത അക്ഷയ കേന്ദ്രങ്ങള് വഴിയോ സിറ്റിസണ് ലോഗിൻ പോർട്ടല് (ecitizen.civilsupplieskerala.gov.in) വഴി ലോഗിൻ ചെയ്ത് അപേക്ഷ സമർപ്പിക്കണം.
റേഷൻ കാർഡിലെ ഏതെങ്കിലും അംഗം സർക്കാർ അല്ലെങ്കില് പൊതുമേഖലാ ജീവനക്കാരൻ, ആദായ നികുതിദായകൻ, സർവീസ് പെൻഷണർ, 1000ത്തില് കൂടുതല് ചതുരശ്രയടിയുള്ള വീടിന്റെ ഉടമ, നാലോ അധികമോ ചക്രവാഹന ഉടമ, പ്രൊഫഷണല്സ് (ഡോക്ടര്, എൻജിനിയർ, അഭിഭാഷകൻ തുടങ്ങിയവർ), കാർഡിലെ എല്ലാ അംഗങ്ങള്ക്കും കൂടി ഒരേക്കർ സ്ഥലമുള്ളവർ (എസ്.ടി. വിഭാഗം ഒഴികെ), 25000 രൂപയില് കൂടുതല് പ്രതിമാസ വരുമാനമുള്ളവർ എന്നിവർക്ക് അപേക്ഷിക്കാൻ പറ്റില്ല.
Post a Comment