വരും മണിക്കൂറുകളിൽ സംസ്ഥാനത്ത് അതിശക്തമായ മഴയാണ് പ്രതീക്ഷിക്കുന്നത്. അതിതീവ്ര മഴ മുന്നറിയിപ്പായ റെഡ് അലർട്ട് പ്രഖ്യാപിച്ചിരിക്കുന്ന 4 ജില്ലകളിൽ വൈകിട്ട് 5 മണിക്ക് പ്രത്യേക സൈറൺ മുഴങ്ങും. കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലായിരിക്കും സൈറൺ മുഴങ്ങുക.
കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഇന്ന് റെഡ് അലര്ട്ടാണ് നല്കിയിരിക്കുന്നത്. ഈ ജില്ലകളില് അതിതീവ്ര മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
തൃശൂര്, പാലക്കാട്, മലപ്പുറം ജില്ലകള്ക്ക് ഓറഞ്ച് അലര്ട്ടും പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകള്ക്ക് ഇന്ന് യെല്ലോ അലര്ട്ടും പുറപ്പെടുവിച്ചിട്ടുണ്ട്. ഓറഞ്ച് അലര്ട്ടുള്ള ജില്ലകളില് അതിശക്തമായ മഴയ്ക്കും യെല്ലോ അലര്ട്ടുള്ള ജില്ലകളില് ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്.
Post a Comment