കണ്ണൂര്: വിജ്ഞാന കണ്ണൂര് തൊഴില് ഡ്രൈവ് ജൂണ് 14 ന്. ജില്ലയില് ഇരുപതിനായിരം പേര്ക്ക് തൊഴില് നല്കാന് ലക്ഷ്യമിട്ടാണ് തൊഴില് ഡ്രൈവ് സംഘടിപ്പിച്ചിരിക്കുന്നത്.വിജ്ഞാന കേരളം സംസ്ഥാന അഡൈ്വസര് ഡോ. തോമസ് ഐസക്കാണ് ഇക്കാര്യം അറിയിച്ചത്. കണ്ണൂര് എഞ്ചിനീയറിംഗ് കോളേജിലാണ് തൊഴില് ഡ്രൈവ് സംഘടിപ്പിച്ചിരിക്കുന്നത്. ഈ മെഗാ തൊഴില് മേളയില് 100 കമ്ബനികള് പങ്കെടുക്കും. ഇതിലൂടെ 50,000 തൊഴിലവസരങ്ങള് പ്രതീക്ഷിക്കുന്നുവെന്നും വിജ്ഞാന കണ്ണൂര് തൊഴില് ഡ്രൈവര് വിജയിപ്പിക്കുന്നതിനായി രജിസ്ട്രേഷന് പുരാവസ്തു വകുപ്പ് മന്ത്രി രാമചന്ദ്രന് കടന്നപ്പള്ളി അധ്യക്ഷനായി ജില്ലാ കൗണ്സില് രൂപീകരിച്ചുവെന്നും ഡോ.തോമസ് ഐസക് കൂട്ടിച്ചേര്ത്തു.
തദ്ദേശ സ്ഥാപനങ്ങളിലെ എല്ലാ വാര്ഡുകളിലും സന്നദ്ധപ്രവര്ത്തകര് മെയ് 23 മുതല് 26 വരെയുള്ള ദിവസങ്ങളില് ഗൃഹസന്ദര്ശനം നടത്തി ഉദ്യോഗാര്ഥികളുടെ പേര് രജിസ്റ്റര് ചെയ്യാന് സഹായം നല്കും. കൂടാതെ എല്ലാ ലൈബ്രറികളിലും സര്ക്കാര് ഓഫീസുകളിലും ലഭ്യമായ ക്യൂ ആര് കോഡ് സ്കാന് ചെയ്ത് രജിസ്റ്റര് ചെയ്യാവുന്നതാണ്. രജിസ്റ്റര് ചെയ്യാത്തവര്ക്ക് ജോബ് മേളയില് പങ്കെടുക്കാന് കഴിയില്ല. മെയ് 31 മുതല് സന്നദ്ധപ്രവര്ത്തകര് രജിസ്റ്റര് ചെയ്ത ഉദ്യോഗാര്ത്ഥികളെ ബന്ധപ്പെട്ട് വിദ്യാഭ്യാസ യോഗ്യതക്ക് അനുസരിച്ച് തൊഴിലവസരങ്ങള് പരിചയപ്പെടുത്തും. താല്പര്യമുള്ളവര് ഡിജിറ്റല് വര്ക്ക് മാനേജ്മെന്റ് സിസ്റ്റം പ്ലാറ്റ്ഫോമില് അപേക്ഷിക്കണം.
Post a Comment