മമ്മൂട്ടിയുടെ 'ബസൂക്ക' മുതല് നസ്ലെൻ്റെ 'ആലപ്പുഴ ജിംഖാന' വരെ, ഈ വിഷുവിന് പ്രേക്ഷകരെ കാത്തിരിക്കുന്നത് മികച്ച സിനിമകളാണ്.
മമ്മൂട്ടിയുടെ തിരിച്ചുവരവ്:
ഏപ്രില് 10ന് റിലീസ് ചെയ്യുന്ന 'ബസൂക്ക' ആണ് ഈ വിഷു സീസണിലെ ഏറ്റവും വലിയ റിലീസ് എന്ന് നിസ്സംശയം പറയാം. ഡീനോ ഡെന്നിസ് ആദ്യമായി സംവിധാനം ചെയ്യുന്ന ഈ ആക്ഷൻ ചിത്രത്തില് മമ്മൂട്ടി നായകനായി എത്തുന്നു. ഗൗതം വാസുദേവ മേനോൻ, ബാബു ആൻ്റണി, നീത പിള്ള, ഷൈൻ ടോം ചാക്കോ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
'ആലപ്പുഴ ജിംഖാന'യും 'മരണമാസ്സും'
ഖാലിദ് റഹ്മാൻ സംവിധാനം ചെയ്യുന്ന 'ആലപ്പുഴ ജിംഖാന' ഒരു സ്പോർട്സ് കോമഡി ചിത്രമാണ്. നസ്ലെൻ കെ. ഗഫൂർ, ലുക്മാൻ അവറാൻ, ഗണപതി എസ്. പൊതുവാള്, സന്ദീപ് പ്രദീപ്, അനഘ രവി തുടങ്ങിയ ഒരു വലിയ താരനിര തന്നെ ഈ സിനിമയിലുണ്ട്. ചിത്രത്തിന് ഇതിനോടകം തന്നെ മികച്ച പ്രതികരണങ്ങള് ലഭിച്ചിട്ടുണ്ട്, ഇത് പ്രേക്ഷകരെ തിയേറ്ററുകളിലേക്ക് ആകർഷിക്കുമെന്നാണ് പ്രതീക്ഷ.
ഇതോടൊപ്പം തന്നെ റിലീസ് ചെയ്യുന്ന മറ്റൊരു ചിത്രമാണ് 'മരണമാസ്'. വിഷു റിലീസായി എത്തുന്ന ചിത്രം ബേസില് ജോസഫിന്റെ ട്രേഡ് മാർക്ക് കോമഡി ഘടകങ്ങള് അടങ്ങിയ സിനിമ തന്നെയാകുമെന്നാണ് നല്കുന്ന സൂചന. ടൊവിനോ തോമസ് നിർമ്മിക്കുന്ന ഈ ചിത്രം ശിവപ്രസാദിൻ്റെ ആദ്യ സംവിധാന സംരംഭം കൂടിയാണ്.
ബോക്സ് ഓഫീസ് വിജയം ആർക്ക്?
ഈ മൂന്ന് ചിത്രങ്ങളില് ഏതാണ് ബോക്സ് ഓഫീസില് കൂടുതല് നേട്ടം കൈവരിക്കുക എന്ന് കാത്തിരുന്ന് കാണേണ്ടിയിരിക്കുന്നു. കൂടാതെ, മോഹൻലാലിൻ്റെ 'എല് 2 എമ്ബുരാൻ' എന്ന സിനിമയുടെ തേരോട്ടം തടയാൻ ഈ സിനിമകള്ക്ക് മികച്ച മൗത്ത് പബ്ലിസിറ്റി അനിവാര്യമാണ്.
Post a Comment