കണ്ണൂർ സെൻട്രല് ജയിലില് തടവുകാരില് നിന്ന് ഫോണുകളും ഇലക്ട്രോണിക് ഉപകരണങ്ങളും പിടികൂടി. തടവുകാരായ രഞ്ജിത്ത്, അഖില്, ഇബ്രാഹിം ബാദുഷ എന്നിവരില് നിന്നാണ് മൊബൈല് ഫോണുള്പ്പെടെ പിടികൂടിയത്.
മൊബൈല് ഫോണ്, എയർപോഡ്, യുഎസ്ബി കേബിള്, സിം, തുടങ്ങിയവയാണ് പിടികൂടിയത്. സംഭവത്തില് തടവുകാർക്കെതിരെ കണ്ണൂർ ടൗണ് പൊലീസ് കേസെടുത്തു.
ഇന്ന് ഉച്ചയോടെ കണ്ണൂർ സെൻട്രല് ജയിലില് അധികൃതർ പതിവ് പരിശോധനയിലാണ് ഇലക്ട്രോണിക് ഉപകരണങ്ങള് കണ്ടെടുത്തത്. അടിപിടി കേസുകളിലെ പ്രതികളാണ് രഞ്ജിത്ത്, അഖില്, ഇബ്രാഹിം ബാദുഷ എന്നിവർ. സംഭവത്തില് ജയില് സൂപ്രണ്ടിന്റെ പരാതിയില് തടവുകാർക്കെതിരെ കേസെടുത്തു.
Post a Comment