എമ്ബുരാന് റീ എഡിറ്റഡ് പതിപ്പ് തിയേറ്ററുകളിലെത്തി. എഡിറ്റഡ് പതിപ്പ് ഉടന് തിയേറ്ററുകളില് പ്രദര്ശിപ്പിച്ച് തുടങ്ങും.
തിരുവനന്തപുരത്തെ ആര്ട്ടെക് മാളിലായിരിക്കും ആദ്യ പ്രദര്ശനം. ബാക്കി തിയേറ്ററുകളില് നാളെ മുതല് പ്രദര്ശനം തുടങ്ങും.
സിനിമയുടെ ഡൗണ്ലോഡിങ്ങ് നടക്കുകയാണെന്ന് തിയേറ്റര് ഉടമകള് അറിയിച്ചു. ഭൂരിഭാഗം തിയേറ്ററുകളിലും എഡിറ്റഡ് പതിപ്പ് നാളെ മുതല് പ്രദര്ശിപ്പിച്ച് തുടങ്ങും. ഡൗണ്ലോഡ് സാധ്യമാകാത്ത തീയേറ്ററുകളില് പതിപ്പ് നേരിട്ടെത്തിക്കും.
24 കട്ടുകളാണ് പ്രധാനമായും സിനിമയില് നടത്തിയിരിക്കുന്നത്. ഗുജറാത്ത് വംശഹത്യയുമായി ബന്ധപ്പെട്ട ഭാഗങ്ങള് നീക്കണമെന്ന് ആവശ്യപ്പെട്ട് ഹിന്ദുത്വ സംഘടനകളും സംഘപരിവാറും രംഗത്തെത്തിയതോടെയാണ് റീ സെന്സറിംഗ് ചെയ്യാന് സിനിമയുടെ പിന്നണി പ്രവര്ത്തകര് തയ്യാറായത്. ചിത്രത്തിനെതിരെ ബഹിഷ്കരണ ആഹ്വാനവും വന്നിരുന്നു. ഇതിന് പിന്നാലെ മോഹന്ലാല് ഖേദം പ്രകടിപ്പിച്ച് രംഗത്തെത്തി. അദ്ദേഹത്തിന്റെ ഫേസ്ബുക്ക് പോസ്റ്റ് പൃഥ്വിരാജും പങ്കുവെച്ചു.
Post a Comment