പാസ്പോര്ട്ട് അപേക്ഷയുമായി ബന്ധപ്പെട്ട് വിദേശകാര്യ മന്ത്രാലയം പുറപ്പെടുവിച്ച പുതിയ വ്യവസ്ഥകള് പ്രാബല്യത്തില്.
പുതിയ ഭേദഗതി പ്രകാരം 2023 ഒക്ടോബര് ഒന്നിനോ, ശേഷമോ ജനിച്ചവര് പാസ്പോര്ട്ടിന് അപേക്ഷിക്കുമ്പോള് ജനന തീയതി തെളിയിക്കുന്നതിന് ജനന സര്ട്ടിഫിക്കറ്റുകള് മാത്രമെ നല്കാവുവെന്നാണ് വ്യവസ്ഥ.
1980ലെ പാസ്പോര്ട്ട് നിയമങ്ങളിലെ ഭേദഗതി പ്രാബല്യത്തില് വരുത്തി ഔദ്യോഗിക കുറിപ്പ് പുറത്തിറക്കി. 1967 ലെ പാസ്പോര്ട്ട് നിയമത്തിലെ സെക്ഷന് 24 ലെ വ്യവസ്ഥകള് പ്രകാരമാണ് ചട്ടങ്ങള് ഭേദഗതി ചെയ്തത്.
ഫെബ്രുവരി 28 മുതല് പുതിയ മാറ്റങ്ങള് പ്രാബല്യത്തില് വന്നു. അതേസമയം, ഈ തീയതിക്ക് മുമ്പ് ജനിച്ച വ്യക്തികള്ക്ക് ജനന തീയതി തെളിയിക്കാന് ഇനിപ്പറയുന്ന രേഖകളില് ഒന്ന് സമര്പ്പിക്കാം.
‣ജനന മരണ രജിസ്ട്രാര് അല്ലെങ്കില് മുനിസിപ്പല് കോര്പ്പറേഷന് അല്ലെങ്കില് 1969 ലെ ജനന മരണ രജിസ്ട്രേഷന് ആക്ട് (18 ഓഫ് 1969) പ്രകാരം അധികാരപ്പെടുത്തിയ മറ്റ് ഏതെങ്കിലും അതോറിറ്റി നല്കുന്ന ജനന സര്ട്ടിഫിക്കറ്റ്.
‣അപേക്ഷകന്റെ ജനനത്തീയതി ഉള്ക്കൊള്ളുന്ന അംഗീകൃത സ്കൂള് അവസാനമായി പഠിച്ചതോ അംഗീകൃത വിദ്യാഭ്യാസ ബോര്ഡ് നല്കുന്നതോ ആയ ട്രാന്സ്ഫര്/സ്കൂള് ലിവിങ്/മെട്രിക്കുലേഷന് സര്ട്ടിഫിക്കറ്റ്.
‣ആദായനികുതി വകുപ്പ് നല്കുന്ന അപേക്ഷകന്റെ പെര്മനന്റ് പാന് കാര്ഡിലും അപേക്ഷകന്റെ ജനന തീയതി അറിയാം.
‣അപേക്ഷകന്റെ സര്വീസ് റെക്കോര്ഡിന്റെ (സര്ക്കാര് ജീവനക്കാരുടെ കാര്യത്തില് മാത്രം) അല്ലെങ്കില് പേ പെന്ഷന് ഓര്ഡറിന്റെ (വിരമിച്ച സര്ക്കാര് ജീവനക്കാരുടെ കാര്യത്തില്) ഒരു പകര്പ്പ്.
‣ഗതാഗത വകുപ്പ് നല്കുന്ന ഡ്രൈവിങ് ലൈസന്സ്, ജനന തീയതി അതില് രേഖപ്പെടുത്തിയിരിക്കണം.
‣അപേക്ഷകന്റെ ജനന തീയതി ഉള്ക്കൊള്ളുന്ന തിരഞ്ഞെടുപ്പ് കമ്മീഷന് നല്കുന്ന വോട്ടേഴ്സ് ഫോട്ടോ ഐഡി കാര്ഡ്.
‣ഇന്ഷുറന്സ് പോളിസി ഉടമയുടെ ജനന തീയതി രേഖപ്പെടുത്തിയ പൊതു കമ്പനികളോ ലൈഫ് ഇന്ഷുറന്സ് കോര്പ്പറേഷനുകളോ നല്കുന്ന പോളിസി ബോണ്ട്.
Post a Comment