കൊച്ചി: തായ്ലന്ഡില് നിന്ന് കൊച്ചിയിലേക്ക് കൊറിയർ വഴിയെത്തിയ ഹൈബ്രിഡ് കഞ്ചാവ് കസ്റ്റംസ് പിടികൂടി. ഒരു കോടി രൂപ വില മതിക്കുന്ന ഹൈബ്രിഡ് കഞ്ചാവാണ് പിടികൂടിയത്.
സംഭവവുമായി ബന്ധപ്പെട്ട് കൊച്ചി കാക്കനാട് സ്വദേശിയായ സാബിയോ എബ്രഹാം ജോസഫിനെ അറസ്റ്റ് ചെയ്തു. ഇയാളുടെ പക്കല് നിന്ന് 30 ഗ്രാം ഹൈബ്രിഡ് കഞ്ചാവും 50 ഗ്രാം കഞ്ചാവും പിടികൂടി.
ഭക്ഷ്യവസ്തു എന്ന് തോന്നുന്ന തരത്തില് കോണ്ഫ്ലെക്സിന്റെ കവറിലായിരുന്നു കഞ്ചാവ് ഒളിപ്പിച്ചിരുന്നത്. കാരക്കാമുറിയിലെ ഫോറിൻ പോസ്റ്റ് ഓഫീസിലേക്ക് വ്യാജ മേല്വിലാസത്തിലാണ് പാഴ്സല് എത്തിയത്. പിന്നാലെ ഇതേ മേല്വിലാസത്തിലേക്ക് ഡമ്മി പാഴ്സല് അയച്ചായിരുന്നു കസ്റ്റംസ് പ്രതിയെ പിടികൂടിയത്. സംസ്ഥാനത്ത് പോസ്റ്റല് വഴി നടന്ന ഏറ്റവും വലിയ ലഹരി കടത്താണ് ഇത്.
Post a Comment