കൊച്ചി: പുതുവര്‍ഷത്തിന്‍റെ ആദ്യ ദിവസം സ്വര്‍ണവിലയില്‍ വര്‍ധന. പവന് 320 രൂപയും ഗ്രാമിന് 40 രൂപയുമാണ് ഇന്നു വർധിച്ചത്.
ഇതോടെ, തിങ്കളാഴ്ചത്തെ നിരക്കായ പവന് 57,200 രൂപയിലേക്കും ഗ്രാമിന് 7,150 രൂപയിലേക്കും സ്വർണവിലയെത്തി. അതേസമയം, 18 കാരറ്റ് സ്വര്‍ണം ഗ്രാമിന് 30 രൂപ വര്‍ധിച്ച്‌ 5,905 രൂപയിലെത്തി.
വർഷാന്ത്യദിനമായ ചൊവ്വാഴ്ച പവന് 320 രൂപ കുറഞ്ഞിരുന്നു. ഡിസംബർ തുടക്കത്തില്‍ 57,200 രൂപയായിരുന്നു ഒരു പവന് സ്വര്‍ണത്തിന്‍റെ വില. പിന്നീട് വില കൂടിയും കുറഞ്ഞും നിന്നു. 11ന് 58,280 രൂപയായി ഉയര്‍ന്ന് സ്വര്‍ണവില ആ മാസത്തെ ഏറ്റവും ഉയര്‍ന്ന നിലവാരത്തില്‍ എത്തി. പിന്നീട് വില കുറയുന്നതാണ് ദൃശ്യമായത്. 20 ന് 56,320 രൂപയായി താഴ്ന്നതാണ് മാസത്തെ ഏറ്റവും താഴ്ന്ന നിലവാരം.
രാജ്യാന്തര വിപണിയിലെ വിലവർധനയാണ് ആഭ്യന്തരവിപണിയിലും പ്രതിഫലിക്കുന്നത്. ആഗോള വിപണിയില്‍ സ്വര്‍ണം കഴിഞ്ഞ ദിവസം നേരിയ മുന്നേറ്റം നടത്തിയ ശേഷം ഇടിഞ്ഞ സ്വര്‍ണം ഔണ്‍സിന് 2,624 ഡോളറിലേക്ക് ഉയര്‍ന്നിട്ടുണ്ട്.
അതേസമയം, വെള്ളി നിരക്കില്‍ മാറ്റമില്ല. ഒരു ഗ്രാം സാധാരണ വെള്ളിക്ക് 93 രൂപയിലാണ് വ്യാപാരം നടക്കുന്നത്. ഹാള്‍മാര്‍ക്ക് വെള്ളിയുടെ വില മാസങ്ങളായി രേഖപ്പെടുത്തിയിട്ടില്ല.
Post a Comment