ആഭ്യന്തര, അന്താരാഷ്ട്ര റൂട്ടുകളിലെ ടിക്കറ്റ് നിരക്കുകളില് കിടിലൻ ഓഫര് പ്രഖ്യാപിച്ച് ഇന്ഡിഗോ എയര്ലൈന്സ്.
2024 ഡിസംബര് 25 വരെയാണ് ഓഫര് കാലാവധി. 2025 ജനുവരി 23നും ഏപ്രില് 30നും ഇടയിലുള്ള തീയതികളിലെ യാത്രയ്ക്കാണ് ഡിസ്കൗണ്ട് ലഭിക്കുക.
ആഭ്യന്തര യാത്രകൾക്ക് 1,199 രൂപ മുതലും അന്താരാഷ്ട്ര യാത്രക്ക് 4,499 രൂപ മുതലും ടിക്കറ്റ് ലഭിക്കും.
ടിക്കറ്റ് നിരക്കില് ഡിസ്കൗണ്ട് നല്കുന്നതിന് പുറമെ പ്രീപെയ്ഡ് അധിക ബാഗേജ് ഓപ്ഷനുകൾ (15 കിലോ, 20 കിലോ, 30 കിലോ), സ്റ്റാൻഡേർഡ് സീറ്റ് സെലക്ഷൻ, എമർജൻസി XL സീറ്റുകൾ എന്നിവ ഉൾപ്പെടെ തിരഞ്ഞെടുത്ത 6E ആഡ് ഓണുകളിൽ ഇൻഡിഗോ 15% വരെ സേവിംഗ്സും ഓഫര് ചെയ്യുന്നുണ്ട്.
ഇവ ആഭ്യന്തര യാത്രക്കാര്ക്ക് 599 രൂപ മുതലും അന്താരാഷ്ട്ര യാത്രക്കാര്ക്ക് 699 രൂപ മുതലും ലഭ്യമാണ്. ഫെഡറല് ബാങ്കുമായി സഹകരിച്ച് മറ്റൊരു ഓഫറും ഇന്ഡിഗോ പ്രഖ്യാപിച്ചിട്ടുണ്ട്.
ഫെഡറല് ബാങ്ക് ക്രെഡിറ്റ് കാര്ഡുകള് ഉപയോഗിച്ച് ടിക്കറ്റ് ബുക്ക് ചെയ്യുന്നവര്ക്ക് അധിക നിരക്ക് ഇളവുകളും ലഭിക്കും. ആഭ്യന്തര യാത്രക്ക് 15 ശതമാനവും രാജ്യാന്തര യാത്രക്ക് 10 ശതമാനവും ടിക്കറ്റ് നിരക്ക് ഇളവ് ലഭിക്കുമെന്നും 2024 ഡിസംബര് 31 വരെ ടിക്കറ്റ് ബുക്ക് ചെയ്യുന്നവര്ക്കാണ് ഓഫര് ബാധകമെന്നും എയര്ലൈന് അറിയിച്ചു.
Post a Comment