തൃശൂര്‍: തൃശൂർ നാട്ടികയില്‍ അഞ്ചുപേർ മരിച്ച ലോറിയപകടത്തില്‍ ഡ്രൈവറും ക്ലീനറും റിമാൻഡില്‍. കണ്ണൂർ ആലക്കോട് സ്വദേശികളായ ജോസിനെയും അലക്സിനെയുമാണ് റിമാൻഡ് ചെയ്തത്.
ഇവർക്കെതിരെ കൊലക്കുറ്റത്തിന് കേസെടുത്തിരുന്നു.
ഇന്നലെ പുലര്‍ച്ചെയായിരുന്നു അപകടം. റോഡരികില്‍ ഉറങ്ങിക്കിടന്നവര്‍ക്ക് നേരെ ലോറി പാഞ്ഞുകയറുകയായിരുന്നു. നാടോടി കുടുംബത്തിലെ രണ്ട് കുട്ടികള്‍ ഉള്‍പ്പെടെ അഞ്ച് പേരാണ് മരിച്ചത്. പാലക്കാട് ഗോവിന്ദാപുരം ചെമ്മണംതോട് സ്വദേശികളാണ് അപകടത്തില്‍പെട്ടത്. അപകടത്തിന് ശേഷം വാഹനം നിർത്താതെ പോയ ഇവരെ നാട്ടുകാരാണ് പിടികൂടിയത്. ഡ്രൈവിങ് ലൈസൻസില്ലാത്ത ക്ലീനർ അലക്സാണ് അപകട സമയത്ത് വാഹനമോടിച്ചത്. ഇരുവരും മദ്യലഹരിയിലായിരുന്നു.
Post a Comment