തിരുവനന്തപുരം: പണമില്ല എന്ന കാരണത്താല് സ്കൂളിലെ ഒരു കുട്ടിയേപ്പോലും പഠനയാത്രയില് ഉള്പ്പെടുത്താതിരിക്കാൻ പാടില്ലെന്ന് വിദ്യാഭ്യാസ മന്ത്രി വി.
ശിവൻകുട്ടി. പഠനയാത്രകള് എല്ലാ കുട്ടികള്ക്കും പ്രാപ്യമായ രീതിയില് ക്രമീകരിക്കണമെന്നും മന്ത്രി നിർദ്ദേശിച്ചു.
സ്കൂള് പഠനയാത്രകള് വിനോദയാത്രകള് മാത്രമാക്കി മാറ്റുന്ന അവസ്ഥയാണ് ഇപ്പോഴുള്ളത്. ഇതിന് വൻതോതിലുള്ള തുകയാണ് ചില സ്കൂളുകളില് നിശ്ചയിക്കുന്നത്. ഇത് സാമ്ബത്തികമായി പിന്നാക്കം നില്ക്കുന്ന വിദ്യാർഥികള്ക്ക് നല്കാൻ കഴിയാതെ അവരില് മാനസിക പ്രയാസം ഉണ്ടാക്കുന്നതായും മന്ത്രി വ്യക്തമാക്കി.
ജീവനക്കാരുടേയും വിദ്യാർഥികളുടേയും ജന്മദിനം പോലുള്ള വ്യക്തിഗത ആഘോഷങ്ങള്ക്ക് സമ്മാനങ്ങള് നല്കാൻ കുട്ടികള് നിർബന്ധിതരാകുന്നു. സമ്മാനങ്ങള് കൊണ്ടുവരാത്ത കുട്ടികളെ വേർതിരിച്ച് കാണുന്ന പ്രവണതയും ശ്രദ്ധയില്പ്പെട്ടിട്ടുണ്ട്. സാമ്ബത്തികബാധ്യത ഉണ്ടാക്കുന്ന ഇത്തരം ആഘോഷങ്ങള് ഒഴിവാക്കുന്നതിന് സ്കൂള് അധികാരികള് കർശന നടപടി സ്വീകരിക്കണമെന്നും മന്ത്രി നിർദേശം നല്കി.
Post a Comment