കുടുംബ വഴക്ക്; കണ്ണൂര്‍ ചെറുപുഴയില്‍ ഭാര്യയെ വെട്ടിപ്പരിക്കല്‍പ്പിച്ച്‌ ഭര്‍ത്താവ് ജീവനൊടുക്കി

കണ്ണൂർ: കണ്ണൂർ ചെറുപുഴയില്‍ ഭാര്യയെ വെട്ടിപ്പരിക്കല്‍പ്പിച്ച്‌ ഭർത്താവ് തൂങ്ങിമരിച്ചു. പ്രാപ്പൊയില്‍ സ്വദേശി ശ്രീധരൻ ആണ് മരിച്ചത്.

കുടുംബ വഴക്കാണ് സംഭവത്തിന് പിന്നിലെന്ന് പൊലീസ് പറയുന്നു. ഇന്ന് പുലർച്ചെയായിരുന്നു സംഭവം. ഭാര്യ സുനിതയെ ഇയാള്‍ ആക്രമിക്കുകയായിരുന്നു. പിന്നീട് തൂങ്ങി മരിച്ചു. അതേസമയം, സുനിത പരിക്കുകളോടെ ആശുപത്രിയില്‍ ചികിത്സയിലാണ്. ശ്രീധരൻ്റെ മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്‍കും. 

(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്ബര്‍: Toll free helpline number: 1056, 0471-2552056)