സ്വകാര്യ ബസ് ഡ്രൈവറെ മറ്റൊരു ബസിലെ ജീവനക്കാരൻ കൊലപ്പെടുത്താൻ ശ്രമിച്ചതായി പരാതി. കോഴിക്കോട് പുതിയ ബസ് സ്റ്റാൻഡിലായിരുന്നു സംഭവം.
ബസിനകത്തു കയറിയാണ് ഡ്രൈവറെ ആക്രമിച്ചത്. സംഭവത്തില്‍ കണ്ണൂർ മമ്ബറം സ്വദേശിയായ പി കെ ഷഹീറിനെ(48) പൊലീസ് അറസ്റ്റ് ചെയ്തു.
കൊയിലാണ്ടി കോട്ടക്കല്‍ സ്വദേശി മീത്തലകത്ത് എം നൗഷാദിനെയാണ് ഷഹീർ വധിക്കാൻ ശ്രമിച്ചത്. ഗുരുതരമായി പരുക്കേറ്റ നൗഷാദിനെ സ്വകാര്യ ആശുപതിയിലെ അത്യാഹിത വിഭാഗത്തില്‍ പ്രവേശിപ്പിച്ചിരിക്കുകയാണ്. നിർത്തിയിട്ട ബസില്‍ വിശ്രമിക്കുകയായിരുന്നു നൗഷാദ്. ബസിനത്തേക്ക് കയറി വന്ന് ഷഹീർ നൗഷാദിനെ കുത്തി പരിക്കേല്‍പിക്കുകയായിരുന്നു. ബസിലെ കണ്ടക്ടറായ പ്രമോദ് ഷഹീറിനെ പിടിച്ചു മാറ്റാൻ ശ്രമിച്ചെങ്കിലും പിൻസീറ്റിനടിയിലെ ജാക്കി ലിവർ എടുത്തു നൗഷാദിന്റെ തലയ്ക്കടിച്ച്‌ പ്രതി ഓടി രക്ഷപ്പെട്ടു.
.
Post a Comment