മുതിർന്ന CPM നേതാവ് എംഎം ലോറൻസ് (95) അന്തരിച്ചു. 2015 മുതൽ മാർക്സിസ്റ്റ് പാർട്ടി സംസ്ഥാന സമിതിയിൽ ക്ഷണിതാവായി തുടരുന്ന എറണാകുളം ജില്ലയിൽ നിന്നുള്ള മുതിർന്ന CPM നേതാവാണ് എംഎം ലോറൻസ്. കേന്ദ്ര കമ്മറ്റി, സംസ്ഥാന സെക്രട്ടേറിയറ്റ് അംഗം, എറണാകുളം ജില്ലാ സെക്രട്ടറി, ഇടതുമുന്നണി കൺവീനർ, CITU സംസ്ഥാന ജനറൽ സെക്രട്ടറി, 1980 മുതൽ 1984 വരെ ഇടുക്കിയിൽ നിന്നുള്ള ലോക്സഭാംഗം എന്നീ നിലകളിലും പ്രവർത്തിച്ചിട്ടുണ്ട്.
എംഎം ലോറന്സ്: ജീവിത രേഖ
എറണാകുളം മുളവുകാട് മാടമാക്കല് അവിര മാത്യുവിന്റെയും മറിയം മാത്യുവിന്റെയും മകനായി 1929 ജൂണ് 15നാണ് എംഎം ലോറന്സ് ജനിച്ചത്. എറണാകുളം സെന്റ് ആല്ബര്ട്ട്സ് സ്കൂള്, മുനവുറല് ഇസ്ലാം സ്കൂള് എന്നിവിടങ്ങളില് നിന്ന് വിദ്യാഭ്യാസം പൂര്ത്തിയാക്കിയ ലോറന്സ് പത്താം തരം വരെയെ പഠനം നടത്തിയുള്ളൂ. 1946ല് കമ്മ്യൂണിസ്റ്റ് പാര്ട്ടിയില് അംഗമായതോടെ പഠനം ഉപേക്ഷിച്ചു.
Post a Comment