തിരുവനന്തപുരം: സംസ്ഥാനത്തും വെര്ച്വല് അറസ്റ്റ് അടക്കമുള്ള ഓണ്ലൈന് തട്ടിപ്പുകള് നടക്കുന്ന സാഹചര്യത്തില് മുന്നറിയിപ്പുമായി കേരള പൊലീസ്.
ഓണ്ലൈൻ സാമ്ബത്തിക തട്ടിപ്പിനിരയായാല് ഒരു മണിക്കൂറിനകം (GOLDEN HOUR) തന്നെ വിവരം 1930 എന്ന നമ്ബറില് സൈബർ പൊലീസിനെ അറിയിക്കണമെന്ന് കേരള പൊലീസ് അഭ്യര്ഥിച്ചു.
കേരള പൊലീസിന്റെ സന്ദേശം
ഓണ്ലൈൻ സാമ്ബത്തികത്തട്ടിപ്പിനിരയായാല് ഒരു മണിക്കൂറിനകം (GOLDEN HOUR) തന്നെ വിവരം 1930 എന്ന നമ്ബറില് സൈബർ പൊലീസിനെ അറിയിക്കുക. എത്രയും നേരത്തെ റിപ്പോർട്ട് ചെയ്താല് തട്ടിപ്പിന് ഇരയായ വ്യക്തിക്ക് നഷ്ടപ്പെട്ട തുക തിരിച്ചു ലഭിക്കാനുള്ള സാധ്യത കൂടുതലാണ്. www.cybercrime.gov.in എന്ന വെബ്സൈറ്റിലും പരാതി രജിസ്റ്റർ ചെയ്യാവുന്നതാണ്- എന്നും കേരള പൊലീസ് അറിയിച്ചു.
വെര്ച്വല് അറസ്റ്റ് ഉള്പ്പടെയുള്ള സൈബര് കുറ്റകൃത്യങ്ങളിലൂടെ പണം നഷ്ടമാകുന്ന സംഭവം അടുത്തിടെ കേരളത്തിലും റിപ്പോര്ട്ട് ചെയ്യപ്പെട്ടിരുന്നു. സിബിഐ ഉദ്യോഗസ്ഥര് ചമഞ്ഞ് വെര്ച്വല് അറസ്റ്റ് എന്ന പേരില് പണം തട്ടുന്ന സംഭവം കേരളത്തെയും ഞെട്ടിച്ചു. സംഗീത സംവിധായകൻ ജെറി അമല് ദേവ് സമാന തട്ടിപ്പില് നിന്ന് കഷ്ടിച്ചാണ് രക്ഷപ്പെട്ടത്. സിബിഐ രജിസ്റ്റര് ചെയ്ത ഒരു കേസില് പ്രതിയാക്കി അറസ്റ്റ് ചെയ്യുമെന്ന് ഭീഷണിപ്പെടുത്തിയാണ് തട്ടിപ്പ് സംഘം ജെറി അമല് ദേവിനെ പണത്തിനായി സമീപിച്ചത്.
കൊറിയര് സര്വീസിന്റെ പേരില് നടത്തുന്ന തട്ടിപ്പുകളെ കുറിച്ച് മുമ്ബ് കേരള പൊലീസ് സമാന മുന്നറിയിപ്പ് നല്കിയിരുന്നു. പാഴ്സലിലെ സാധനങ്ങള് മയക്കുമരുന്നാണെന്നും തീവ്രവാദ ബന്ധമുണ്ടെന്നും കൂടുതല് വിവരങ്ങള് അറിയിക്കാൻ ഫോണ് സിബിഐയിലെയോ സൈബർ പൊലീസിലെയോ മുതിർന്ന ഓഫീസർക്ക് കൈമാറുന്നു എന്നും പറഞ്ഞാണ് തട്ടിപ്പ് സംഘം പണം തട്ടാന് ശ്രമിക്കുന്നത്. ഇത്തരത്തില് അനവധി ഓണ്ലൈന് സാമ്ബത്തിക തട്ടിപ്പുകളാണ് ദിവസവും നടക്കുന്നത്.
'നിങ്ങള് വെര്ച്വല് അറസ്റ്റില്, കേള്ക്കുമ്ബോഴേ പേടിച്ച് ചോദിക്കുന്ന കാശ് മുഴുവൻ കൊടുക്കല്ലേ'; മുന്നറിയിപ്പ്
Post a Comment