റബർ വില 250 രൂപ കടന്ന് സർവകാല റെക്കോർഡില്. ആഭ്യന്തര മാർക്കറ്റില് ആർഎസ്എസ് 4ന് കിലോയ്ക്ക് 255 രൂപ നിരക്കില് വ്യാപാരം നടന്നു.
കഴിഞ്ഞ ജൂണ് പത്തിനാണ് റബർ വില 200 രൂപ കടന്നത്. 2011 ഏപ്രിലിലാണ് ഇതിന് മുൻപ് വില ഏറ്റവും കൂടുതല് ഉയർന്നത്. 243 രൂപയായിരുന്നു അന്ന് ആഭ്യന്തര വിപണിയിലെ വില.
ഇന്നലെ കോട്ടയം, കൊച്ചി മാർക്കറ്റില് റബർ ബോർഡ് വില 247 രൂപയായിരുന്നു. റബർ വില ഉയർന്നത് കർഷകർക്ക് പ്രതീക്ഷ നല്കുന്നുണ്ട്. സമീപകാലത്ത് റബ്ബർ വിലയില് വലിയ മുന്നേറ്റമാണ് രേഖപ്പെടുത്തുന്നത്.
അന്താരാഷ്ട്രവിലയേക്കാള് 44 രൂപയുടെ വ്യത്യാസമാണ് ഇന്ത്യൻ വിപണിയിലുള്ളത്. ജൂണ് പകുതിയോടെ തന്നെ റബ്ബർ വിലയില് വർധന രേഖപ്പെടുത്തിയിരുന്നു. ജൂണ് 30ന് കോട്ടയത്ത് കിലോയ്ക്ക് 205 രൂപയിലാണ് വ്യാപാരം നടന്നത്.
Post a Comment