വടകര : മൂന്നു ദിവസമായി കണ്ണൂർ - കോഴിക്കോട് റൂട്ടില് സ്വകാര്യ ബസ് തൊഴിലാളികള് നടത്തിവന്ന സമരം ഒത്തുതീർപ്പായി. കെ. കെ രമ എം.എല്.എയുമായി തൊഴിലാളികള് നടത്തിയ ചർച്ചയിലാണ് സമരം പിൻവലിച്ചത്.
ദേശീയപാത നിർമാണവുമായി ബന്ധപ്പെട്ട് ഈ റൂട്ടില് വെള്ളക്കെട്ടും കുഴികളുമാണ്. ഇത് പരിഹരിക്കണമെന്നായിരുന്നു പ്രധാന ആവശ്യം. ഇക്കാര്യത്തില് ദേശീയപാത അതോറിറ്റി റീജിയണല് ഓഫിസറുമായി എം.എല്.എ നടത്തിയ ചർച്ചയില് പാതയിലെ വലിയ കുഴികള് രണ്ടു ദിവസത്തിനകം അടച്ച് ഗതാഗത യോഗ്യമാക്കാമെന്ന് ഉറപ്പു നല്കി.
കൂടാതെ വടകര -പെരുവാട്ടും താഴ ജംഗ്ഷനില് പഴയ സ്റ്റാൻഡിലേക്കുള്ള റോഡിലേക്ക് യു ടേണ് എടുക്കുന്ന സ്ഥലത്തുണ്ടാകുന്ന ഗതാഗത തടസം ഒഴിവാക്കാൻ പാലത്തിന് അടിയിലൂടെ വഴിയൊരുക്കാനുള്ള നടപടികള് പരിശോധിച്ച് സ്വീകരിക്കും.
Post a Comment