സംസ്ഥാനത്ത് മഴയുടെ തീവ്രത കുറയുന്നു. വടക്കൻ കേരളത്തില് 2 ദിവസം കൂടി മഴ തുടരും.
കോഴിക്കോട്, വയനാട്, കണ്ണൂർ, കാസർഗോഡ് ജില്ലകളില് ഇന്ന് യെല്ലോ അലേർട്ട്.
മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യത. പൊതുജനങ്ങള് ജാഗ്രത പാലിക്കണം. കേരള, കർണാടക, ലക്ഷ്വദീപ് തീരങ്ങളില് മത്സ്യബന്ധനത്തിന് വിലക്ക്. കേരള,തമിഴ്നാട് തീരങ്ങളില് ഉയർന്ന തിരമാലക്കും സാധ്യത. എറണാകുളം മുതല് മലപ്പുറം വരെയുള്ള അഞ്ച് ജില്ലകളില് യെല്ലോ അലർട്ടാണ്. നാളെയും കോഴിക്കോട് മുതല് കാസർഗോഡ് വരെ യെല്ലോ അലർട്ട് മുന്നറിയിപ്പുണ്ട്.
മത്സ്യ ബന്ധനത്തിനുള്ള വിലക്ക് തുടരുകയാണ്. കേരളാ തീരത്ത് ഇന്നും നാളെയും ഉയർന്ന തിരമാലകള്ക്ക് സാധ്യതയുണ്ട്. കണ്ണൂർ, കാസർഗോഡ് തീരങ്ങളില് പ്രത്യേക ജാഗ്രത വേണമെന്നും മുന്നറിയിപ്പുണ്ട്. അതേസമയം വയനാട്ടില് മഴയ്ക്ക് നേരിയ ശമനമുണ്ട്. ജില്ലയില് ഇന്ന് കൂടി എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്.
45 ക്യാമ്ബുകളാണ് വയനാട്ടില് തുടങ്ങിയിരിക്കുന്നത്. ഇതില് 421 കുടുംബങ്ങളിലെ 1403 പേർ ക്യാമ്ബില് തുടരുകയാണ്. തുടർച്ചയായ മഴയ്ക്ക് പിന്നാലെ വെള്ളം കയറിയ വള്ളിയൂർക്കാവ്, പനമരം ഉള്പ്പെടെയുള്ള സ്ഥലങ്ങളില് ഇപ്പോഴും കനത്ത വെള്ളക്കെട്ട് തുടരുകയാണ്.
Tweet Facebook Whatsapp Telegram
Post a Comment