തിരുവനന്തപുരം: കനത്ത മഴയില് അമ്മതൊട്ടിലില് എത്തിയ കുഞ്ഞതിഥിക്ക് 'മഴ' എന്ന പേരിട്ട് ശിശുക്ഷേമ സമിതി.
സംസ്ഥാന ശിശുക്ഷേമ സമിതി തിരുവനന്തപുരത്ത് സ്ഥാപിച്ചിട്ടുള്ള അമ്മത്തൊട്ടിലില് നിന്ന് തിങ്കളാഴ്ച പുലർച്ചെ മൂന്നാഴ്ച പ്രായം തോന്നിക്കുന്ന പെണ്കുഞ്ഞിനെ കിട്ടിയത്. 3.14 കിലോഗ്രാം ഭാരമുള്ള, പൂര്ണ ആരോഗ്യവതിയായ കുഞ്ഞ് നിലവില് സമിതിയുടെ തിരുവനന്തപുരം ദത്തെടുക്കല് കേന്ദ്രത്തില് പരിചരണയിലാണ്.
ആരോഗ്യപരിശോധനകള്ക്കായി കുഞ്ഞിനെ തൈക്കാട് കുട്ടികളുടെയും സ്ത്രീകളുടെയും ആശുപത്രിയിലെത്തിച്ചു. പരിശോധനകള്ക്കെല്ലാം ശേഷമാണ് കുഞ്ഞിനെ ദത്തെടുക്കല് കേന്ദ്രത്തിലെത്തിച്ചത്.2002 നവംബര് 14ന് തിരുവനന്തപുരത്ത് അമ്മത്തൊട്ടില് പ്രവര്ത്തനമാരംഭിച്ച ശേഷം ലഭിക്കുന്ന 599ാമത്തെ കുരുന്നാണ് ‘മഴ’. കഴിഞ്ഞ പത്ത് മാസത്തിനിടയില് തിരുവനന്തപുരത്ത് അമ്മത്തൊട്ടില് വഴി ലഭിക്കുന്ന പതിമൂന്നാമത്തെ കുട്ടിയും നാലാമത്തെ പെണ്കുഞ്ഞുമാണ്.
The post കനത്ത മഴയ്ക്കിടെ അമ്മത്തൊട്ടിലില് ഉപേക്ഷിക്കപ്പെട്ട കുഞ്ഞിന്'മഴ' എന്ന പേരിട്ട് ശിശുക്ഷേമ സമിതി appeared first on Latest Kerala News | Malayalam News | Kerala Politics | Malayalam Movies | Kerala Travel | Breaking News | Tatwamayi News.
Post a Comment