തുടര്‍ച്ചയായ മൂന്നാമത്തെ ദിവസവും വര്‍ധിച്ച്‌ സ്വര്‍ണ വില

സംസ്ഥാനത്ത് തുടർച്ചയായ മൂന്നാമത്തെ ദിവസവും വർധിച്ച്‌ സ്വർണ വില. ഗ്രാമിന് 25 രൂപയും പവന് 200 രൂപയുമാണ് ബുധനാഴ്ച വർധിച്ചത്.

ഇതോടെ ഗ്രാമിന് 6,710 രൂപയിലും പവന് 53,680 രൂപയിലുമാണ് ഇന്ന് വ്യാപാരം പുരോഗമിക്കുന്നത്. 

ഗ്രാമിന് 20 രൂപയും പവന് 160 രൂപയും വർധിച്ച്‌ ഗ്രാമിന് 6,685 രൂപയിലും പവന് 53,480 രൂപയിലുമാണ് ഇന്നലെ വ്യാപാരം നടന്നത്. ഗ്രാമിന് 25 രൂപയും പവന് 200 രൂപയും വർധിച്ച്‌ ഗ്രാമിന് 6,665 രൂപയിലും പവന് 53,320 രൂപയിലുമാണ് തിങ്കളാഴ്ച വ്യാപാരം നടന്നത്.

ഇതോടെ മൂന്ന് ദിവസം കൊണ്ട് ഗ്രാമിന് 70 രൂപയും പവന് 560 രൂപയും വർധിച്ചു. രാജ്യാന്തര വിപണിയില്‍ സ്വർണം നേരിയ നഷ്ടത്തിലാണ് വ്യാപാരം തുടരുന്നത്. 

യുഎസ് ഫെഡറല്‍ റിസർവിൻ്റെ നിരക്ക് കുറയ്ക്കല്‍ പ്രതീക്ഷകള്‍ക്ക്‌ മങ്ങലേറ്റതിനാലാണ് സ്വർണ വില കുറഞ്ഞത്.അതേ സമയം സംസ്ഥാനത്ത് വെള്ളി വില ഉയരുന്നു. 

ഗ്രാമിന് 101 രൂപ നിരക്കിലാണ് നിലവില്‍ വ്യാപാരം.