തിരുവനന്തപുരം: സംസ്ഥാനത്ത് ഈ വർഷം മുതല് 4 വർഷ ബിരുദ കോഴ്സുകള് പ്രബല്യത്തില് വരുമെന്ന് ഉന്നത വിദ്യാഭ്യാസ വകുപ്പ് മന്ത്രി ആർ.
ബിന്ദു. നാല് വർഷ കോഴ്സിന്റെ ഉദ്ഘാടനം ജൂലൈ ഒന്നിന് മുഖ്യമന്ത്രി പിണറായി വിജയൻ നിർവഹിക്കും. പ്രവേശനത്തിനുള്ള വിജ്ഞാപനം ഈ മാസം 20ന് മുമ്ബ് പ്രസിദ്ധികരിക്കുമെന്നും മന്ത്രി പറഞ്ഞു.
അപേക്ഷ സമർപ്പിക്കേണ്ട അവസാന തീയതി ജൂണ് 7 നാണ്. മൂന്ന് വർഷം കഴിഞ്ഞാല് ഡിഗ്രി ലഭിക്കും. 4 വർഷമായാല് ഹോണേഴ്സ് ബിരുദം ലഭിക്കും. ഇങ്ങനെയെങ്കില് പിജിക്ക് ഒരു വർഷം മതി. പഠിച്ചുകൊണ്ടിരിക്കെ മറ്റ് കോളെജിലേക്ക് മാറാനും സാധിക്കും. നിലവിലെ മൂന്ന് വര്ഷത്തോട് ഒരു വര്ഷം കൂട്ടി ചേര്ക്കുക എന്നതല്ല പുതിയ ബിരുദ കോഴ്സുകൊണ്ട് ഉദ്ദേശിക്കുന്നത്. അടിസ്ഥാനപരമായ മാറ്റങ്ങള് അടക്കമാണ് കരിക്കുലം തയ്യാറാക്കിയത്. സമൂലമായ മാറ്റം കൊണ്ടുവരിക എന്നതാണ് ലക്ഷ്യം- മന്ത്രി പറഞ്ഞു.
ഒന്നിലേറെ വിഷയങ്ങളില് താല്പര്യം ഉള്ള വിദ്യാർഥികള്ക്ക് അതനുസരിച്ചു വിഷയങ്ങള് തിരഞ്ഞെടുക്കാം. ആവശ്യത്തിന് അനുസരിച്ച് ക്രെഡിറ്റുകള് നേടിയാല് രണ്ടര വര്ഷം കൊണ്ട് ബിരുദം ലഭിക്കും.ഇടയ്ക്ക് പഠനം നിര്ത്തിയ കുട്ടികള്ക്ക് റീ എന്ട്രിക്കുള്ള സംവിധാനം ഒരുക്കും. ജൂലൈ ആദ്യവാരം മുതല് ക്ലാസുകള് ആരംഭിക്കും. കോളേജ് യൂണിയന് ഇലക്ഷന് സെപ്റ്റംബര് 30നു മുമ്ബായി നടക്കുമെന്നും മന്ത്രി അറിയിച്ചു.
Post a Comment