തിരുവനന്തപുരം: ഗുജറാത്ത് മാതൃകയില് കുടുംബശ്രീയിലെ പശുസഖിമാർക്ക് പരിശീലനം നല്കാൻ കേരളം.
കന്നുകാലി പരിപാലനത്തിന് അടിസ്ഥാനപരിശീലനം ലഭിച്ച കുടുംബശ്രീ അംഗങ്ങളെയാണ് പശുസഖിമാർ എന്നുവിളിക്കുന്നത്.
ഗ്രാമപ്രദേശങ്ങളില് പശുവളർത്തല് വ്യാപിപ്പിക്കുന്നതിനും ക്ഷീരോത്പാദനം വർധിപ്പിക്കുന്നതിനുമുള്ള ഉന്നതതല പരിശീലനമാണ് മൃഗസംരക്ഷണവകുപ്പ് പശുസഖിമാർക്ക് നല്കുന്നത്.
ഗുജറാത്തിലെ നാഷണല് ഡയറി ഡിവലപ്മെന്റ് ബോർഡില് നിന്ന് 'മാസ്റ്റർ ട്രെയിനേഴ്സ്' പരിശീലനം ലഭിച്ച 40 വെറ്ററിനറി ഡോക്ടർമാരുടെ നേതൃത്വത്തിലായിരിക്കും പരിശീലനം. കേന്ദ്രസർക്കാരിന്റെ സാമ്ബത്തികസഹായത്തോടെ മൃഗസംരക്ഷണവകുപ്പും കുടുംബശ്രീയും സംയുക്തമായാണ് പദ്ധതി നടപ്പാക്കുന്നത്.
2000 പശുസഖിമാർക്ക് പരിശീലനം നല്കി പഞ്ചായത്തുതലത്തില് നിയമിക്കും. റേഷൻ കമ്ബ്യൂട്ടിങ്ങിലൂടെ കന്നുകാലികളുടെ സമീകൃതാഹാരം സംബന്ധിച്ചുള്ള ബോധവത്കരണം, മൃഗങ്ങളുടെ രോഗപ്രതിരോധകുത്തിവെപ്പ്, കന്നുകാലികളുടെ പ്രസവം, കേന്ദ്ര-സംസ്ഥാന സർക്കാരുകളുടെ കർഷക വായ്പകള് എന്നിവ സംബന്ധിച്ചുള്ള ബോധവത്കരണവും സാങ്കേതിക പരിശീലനവും പശുസഖിമാരിലൂടെ കർഷകർക്ക് നല്കും.
ഇ-ഗോപാല ആപ്പിന്റെ സേവനം പ്രയോജനപ്പെടുത്തി ഓരോ കർഷകന്റെയും വീട്ടില് ലഭ്യമായ അസംസ്കൃതവസ്തുക്കള് ഉപയോഗിച്ച് പോഷകസമൃദ്ധമായ ഭക്ഷണം തയ്യാറാക്കുന്നതെങ്ങനെയെന്നതടക്കം പശുസഖിമാരെ പരിശീലിപ്പിക്കും. ഇവരിലൂടെ കർഷകരിലേക്ക് വളരെവേഗം മൃഗസംരക്ഷണസേവനം ലഭ്യമാക്കും.
#Kerala #provide #training #Kudumbashree #cowherds #Gujarat #model
Post a Comment